Mattiu 26:5 - Tedim Bible Revision 2017

⁵ Amaute in, “Buaina lianpi hong om kha thei ding ahih manin hih pawi hun sungin hih kei ni,” a ci uh hi.

Tedim Bible

⁵ Ahih hangin, “Mihonpi a gamlum khak ding a lau manunah pawikham laitak hih kei ni,” a ci uh hi.

Mattiu 26:5 Iomraidhean Croise

Late 76:10

Mihingteʼ hehna in nang hong kiphatna ding piangsak dinga, na hehna panin a suakta mite in nangmah pahtawina pawi a bawl ding uh hi.

Paunak 19:21

Mihingʼ ngaihsutna ah thu tampi om a, ahi zongin Topaʼ deihna tawh a kituakte bek kimang ding hi.

Paunak 21:30

Mihingteʼ pilna, a thutheihna le a thugente khempeuh, Topaʼ deihna tawh a kituah kei leh a kimanna om lo hi.

Isaiah 46:10

A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip dinga, ka ngimna khempeuh ka tungsak ding hi,’ ka ci hi.

Kah la 3:37

Topaʼ deihna bang bekin na khempeuh a piang ahi hi.

Mattiu 14:5

Herod in Johan that nuam hi. Ahi zongin mite in kamsangin ngaihsun uh ahih manin mite a kihtakna hangin thatsak ngam lo hi.

Mattiu 21:26

Ahi zongin, “Mihingte kiang pan hi,” ci leuleu lehang, mi khempeuh in Johan pen kamsang hi, ci-in ngaihsun uh ahih manin mihonte i kihta zel hi, kici uh hi.

Mattiu 27:24

A gengen hangin bangmah phattuamna om loin buaina piang zaw kha ding, ci-in Pilat in a theih ciangin, tui la-in mihonpiʼ muhin a khut sil a, “Hih mipa a sihna thu ah kei ka kihel kei hi. Note in thei ta un,” a ci hi.

Marka 14:12

Paisan Pawi an dingin tuuno a kigawh ni, Silngo Sawh loh Anlum Pawi ni masa ni-in a nungzuite in Jesu kiangah, “Koi lai ah pai-in Paisan Pawi an ding hong bawlsak ding ka hi uh hiam?” ci-in a dong uh hi.

Marka 14:2

Ahi zongin, “Mihonpite hong buai kha ding ahih manin hih pawi hun sungin hih kei ni,” a ci uh hi.

Marka 14:27

Tua ciangin Jesu in amaute kiangah, “‘Tuucingpa ka sat lum dinga, tuute a kithehthang ding hi,’ ci-in Lai Siangtho sungah a kigelh mah bangin note in kei nong taisan ding uh hi.

Luka 20:6

“Mihing tung panin a ngah hi,” ci leuleu lehang, Johan pen kamsang taktak hi, ci-in mi khempeuh in um uh ahih manin suang tawh hong deng lum ding uh hi, a kici uh hi.

Luka 22:7

Tua ciangin Silngo Sawh loh Anlum Pawi hun sungin Paisan Pawi an-a nek ding tuuno gawh ni hun hong tung hi.

Johan 18:28

Tua ciangin Kaiafasʼ inn panin gam ukpa Pilatʼ omna kumpi inn ah Jesu a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suah theih nadingun kumpi inn huang sungah lut lo uh hi.

Sawltak 19:29

Khua sung khempeuh ah tua buaina hong kizel a, mihonte in Paul tawh a kikhawl Masedonia mi Gaias le Aristarkhas manin mihon kikhopna innpi ah a kai uh hi.

Sawltak 21:38

Tua ahih manin tu ma lamin kumpi lehdo dingin mihing tul li tawh gam sungah a pai Egypt mipa hibuang kei ni teh maw?” a ci hi.

Sawltak 4:28

Nangmah in na deihna bangin a piang dingin na vangliatna tawh na khensat sa thu khempeuh a sem dingin amaute kikhawm uh hi.