Mattiu 26:45 - Tedim Bible Revision 2017

⁴⁵ Tua ciangin a nungzuite kiangah hong paikik a, “Ihmu-in tawlnga hithiat lailai na hi uh hiam? Mawhnei miteʼ khut sungah Mihing Tapa a kipiak ding hun hong tung ta hi.

Tedim Bible

⁴⁵ A nungzuite kiangah pai kik a, “Tu-in nuam takin ihmu un. En un, Mihing Tapa in migilote’ khut sungah hong lehheek ding a hun hong tung zo hi.

Mattiu 26:45 Iomraidhean Croise

1 KUMPI MASATE 18:27

Sun ciangin Elijah in amaute zahpihin, “Amah pen pasian ahih ciangin a gingin kiko un. Amah in thu a lungngaih laitak, ahih kei leh mun dangah paikhia, ahih kei leh khualzin, ahih kei leh amah ihmu-in phot ding kisam hi kha thei ding hi,” a ci hi.

Thuhilh-sia 11:9

Khangnote aw, na khangnona uh nuamsa unla, na khangno lai-un lungdam un. Na hih nop peuhpeuh uh hih unla, na ut bangbangun gamta un. Ahi zongin na gamtatna uh tawh kizui-in Pasian in thu hong khen ding phawk gige un.

Mattiu 26:18

Jesu in, “Jerusalem khua sungah va pai unla, tua mipa kiangah, ‘Siapa in, “Ka hun hong nai ta hi. Na inn ah ka nungzuite tawh Paisan Pawi an ka hong ne ding uh hi,” ci hi,’ va ci un,” a ci hi.

Mattiu 26:2

“Na theih sa uh mah bangin tu zawh ni nih khit ciangin Paisan Pawi hun hong tung ta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Mattiu 26:44

Tua ahih manin amaute kiang panin pai khiakikin, a kibang mahin a thum veina thu a ngen hi.

Mattiu 26:46

Tho un, pai ta ni. Kei hong lehhek ding pa hong nai ta hi,” a ci hi.

Marka 14:35

Amah tawm khat pai lai-in leilak ah bok suk a, ahi thei ding ahihleh hih thuakna hun tawh a kipelh nadingin thu a ngen hi.

Luka 22:53

Nisimin biakinn ah note tawh ka om khawm a, bangmah nong cih kei uh hi. Ahi zongin hih hun pen nomauʼ hun hi a, khuamial sung a uk Satanʼ vangliat hunsung ahi hi,” a ci hi.

Johan 12:23

Tua ciangin Jesu in, “Mihing Tapa in Pasianʼ pianzia a ngah ding hun hong tung ta hi.

Johan 12:27

Tua khit ciangin Jesu in, “Tu-in ka lunggim mahmah hi. Bang cih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.

Johan 13:1

Tu-in Paisan Pawi hun ding ni khat bek in sam a, Jesu in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 17:1

Jesu in hih thute a gen khit ciangin vantung lam en to-in, “Pa aw, a hun hong tung ta ahih manin na Tapa in na pianzia hong kilatsak theih nadingin tu-in na Tapaʼ pianzia hong kilangsak ta in.