Mattiu 26:37 - Tedim Bible Revision 2017

³⁷ Tua ciangin Peter le Zebedi tapa tegel tonpih a, dahin a lunggim hun ding a kipan hi.

Tedim Bible

³⁷ Piter leh Zebedi’ tate nih sam a, a lungdahna leh lungman’na a kipan hi.

Mattiu 26:37 Iomraidhean Croise

Mattiu 17:1

Tua zawh ni guk ciangin Jesu in Peter, James le a nau Johan-te samin mual sang khat dawnah a tuamin a paipih hi.

Mattiu 20:20

Tua ciangin Zebedi tate James le Johanʼ nu, a ta tegel tawh Jesu kiangah hong pai-in a mai ah khukdinin hong thum hi.

Mattiu 4:18

Galilee Tuili gei ah Jesu a pai laitakin ngabeng Peter a kici Simon le a nau Andru, ngen tawh nga khuhin a om a mu hi.

Mattiu 4:21

Tua lai panin a paikhiat khit uh ciangin Zebedi tapa James le Johan-te unau, a pa uh tawh gunkuang sungah ngen puah in a om mu leuleu a, amau tegel zong a sam hi.

Marka 5:37

Tua lai panin Jesu in Peter le James le a nau Johan longal kuamah dang kizuisak nawn lo hi.

Luka 22:44

Lunggim mahmah ahih manin nakpi takin thu ngen semsem a, leilak a si mal gol taak bangin a khua-ul a taak hi.

Johan 12:27

Tua khit ciangin Jesu in, “Tu-in ka lunggim mahmah hi. Bang cih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.