Mattiu 26:25 - Tedim Bible Revision 2017

²⁵ Jesu a lehhek pa Judas in, “Topa aw, kei ka hi hiam?” a cih ciangin, “Na ci khin hi,” ci-in Jesu in a dawng hi.

Tedim Bible

²⁵ Zeisu a lehheekpa Judas in, “Topa, kei ka hi hiam?” ci-in a dot ciangin Zeisu in, “Nang cih bang ahi hi,” a ci hi.

Mattiu 26:25 Iomraidhean Croise

2 KUMPI NIHNATE 5:25

Amah sung tumin a topaʼ mai ah dinga, tua ciangin Elisha in ama kiangah, “Gehazi aw, koi ah pai na hi hiam?” a ci hi. Amah in, “Na nasem pa koimah pai lo hi,” a ci hi.

Paunak 30:20

A citak lo zi hih bangin gamta hi: Midang tawh khialin tua ciangin kisilsiang a, “Khialhna bangmah gamta kei ing,” ci khem hi.

Mattiu 23:7

Mihon lakah mite in hopihin, ‘Sia aw,’ a cih ding uh a ut uh hi.

Mattiu 23:8

Ahi zongin note pen, ‘Sia,’ na kicih ding uh hi lo hi. Sia khat bek na nei uh a, no a dangte khempeuh unau khat na hi uh hi.

Mattiu 26:14

Tua ciangin sawm le nihte sung panin Iskariotʼ tapa Judas a kici mipa siampi liante kiangah va pai a,

Mattiu 26:49

Judas zong Jesu kiangah hong pai pahin, “Topa aw, thupha ngah ta in,” ci-in hopihin limnap mahmah hi.

Mattiu 26:64

Tua ciangin Jesu in, “Nangmah in tua mah na ci khin hi. Ahi zongin note khempeuh kiangah ka hong genin ah: Vanglian paʼ tak lamah Mihing Tapa omin meii tungah a hong pai na mu ding uh hi,” a ci hi.

Mattiu 27:11

Tu-in gam ukpa Pilat mai ah Jesu kidingsak ahih manin amah in, “Nang, Jew miteʼ Kumpipa na hi hiam?” ci-in a dot ciangin Jesu in, “Nang zong tua mah nong ci hi,” ci-in a dawng hi.

Luka 22:70

Tua ciangin a vekpi-un, “Tua ahihleh Pasianʼ Tapa na hi hiam?” a cih uh ciangin, “Pasianʼ Tapa hi, nong ci uh hi,” ci-in a dawng hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 4:31

Mite a hong tun ma hunsung tengin a nungzuite in, “Sia aw, an ne in,” ci-in a kun uh hi.