Mattiu 25:16 - Tedim Bible Revision 2017

¹⁶ Tul nga a ngah pa in sum bawlna-in zang pah a, a meet tul nga mah a ngah thuah hi.

Tedim Bible

¹⁶ Talen nga a sangpa in a metbawl leh, adang amet talen nga a ngah hi.

Mattiu 25:16 Iomraidhean Croise

1 KHANG TANGTHU MASATE 28:2

Tua ciangin Kumpi David a khe-in ding to-in, “Ka sanggamte le ka mite aw, ka thugen hong za un. Topaʼ Thuciamna Singkuang ading le i Pasianʼ khengak nadingin tawlngakna biakinn khat lam ding ka lungsim sungah om a, a lam nading ka kiging hi.

Isaiah 23:18

Ama sumbuk vante le ama sepna panin a ngah nate pen Topa’ tungah kipia ding hi. Ahih hangin tuate kikholcip mawk loin, Topa a bia miteʼ an ding le puan hoih nono leina-in kizang ding hi.

Isaiah 49:23

Kumpite pen nang hong kem na pate hong hi dinga, kumpinute pen nang hong khoi na nute hong hi ding hi. Amaute in a maitang uh leilak ngatin nang kiangah hong kun ding uh a, na khe-a leivui baangte a liak ding uh hi. Tua ciangin kei pen Topa ka hihna na hong thei ding hi. Kei hong muangte maizum lo ding hi,” a ci hi.

Mattiu 18:24

Kumpipa in a sum ba sazian a et a kipat ciangin ama sum mak tampi a ba nasem khat hong kipaipih hi.

Mattiu 25:17

Tul nih a ngah pa in zong a meet tul nih mah a ngah thuah hi.

Luka 19:13

A dinkhiat ma-in ama nasem mihing sawmte sam a, amaute tungah sum za khat ciat pia-in, ‘Ka om loh sungin hih sumte tawh na siam bangbangun sum na bawl ciat un,’ ci-in a vaikhak hi.

Sawltak 13:36

David in ama hun lai-in Pasianʼ deihna bangin na sem a, a sih ciangin a pu a pate gei mahah kisialin muatna a thuak hi.

1 KORIN MASA 15:10

Tua bang hitaseleh Pasianʼ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpi takin ka sem zawsop hi. Tua ka sep zawhna pen keima hatna hang hi loin Pasianʼ hong hehpihna hang ahi hi.

2 TIMOTI NIHNA 2:6

Hahkat takin lo a kho pa in anlak hun ciangin a tam pen a ngah dingin a kilawm ahi hi.