Mattiu 24:7 - Tedim Bible Revision 2017

⁷ Gam khat le gam khat, kumpi khat le kumpi khat hong kido dinga, mun tuamtuam ah kialpi hong tungin, zin hong liing ding hi.

Tedim Bible

⁷ Mi nam khat leh nam khat, gam khat leh gam khat hong kido ding uh hi. Mun khat khatah kial hong tung ding a, ziin hong liing ding hi.

Mattiu 24:7 Iomraidhean Croise

2 KHANG TANGTHU NIHNATE 15:6

Pasian in lungkhamna nam khempeuh tawh buaisak ahih manin minam khat le minam khat, khuapi khat le khuapi khat kido-in amaute kitam kham uh hi.

Isaiah 19:2

Egypt mite amau le amau ka kitawngsak ding hi. Mi kim in ama veengte ciat do dinga, khua khatlekhat kido-in, mi khatlekhat kumpi za kituh ding hi.

Isaiah 29:6

Vanglian Topa in vanging, zin liing, a ging lianpi, pingpei le huihpi le, a kaang tum thei meikuang tawh nang hong hon ding hi.

Ezekiel 14:21

“Topa Pasianʼ thugen hih bang ahi hi: Mihing ganhing a sumai dingin gimna nasia pen li ahi gal, kialpi, a kihtakhuai gamsate le natna, Jerusalem ah ka tungsak ding hi.

Ezekiel 21:27

Siacip! Siacip! Hih khuapi ka sia cimitsak dinga, a mel a mang zong kimu nawn lo ding hi. A uk dingin a kilawm mipa hong om ciang bekin ama khut sungah ka pia ding hi.

Zekhariah 14:13

Tua ni ciangin Topa in amaute amkhamsak gawp dinga, mite in a gei-a a mat khak mite manin khatlekhat kilaii thang gawp ding uh hi.

Luka 21:11

Mun khempeuh ah nakpi takin zin hong liingin, kialpi le pulnatna zong hong tung ding hi. A kihtakhuai a tuamtuamte le lim lian pipi vanah hong kilang ding hi.

Sawltak 11:28

Amaute sung panin Agabas a kici kamsang pa hong dinga, leitung khempeuh ah kialpi hong tung ding hi, ci-in Kha Siangtho sawlna tawh a gen khol hi. (Tua kialpi pen Klaudias in Gam uk Kumpi a sep laitakin a tung hi.)

Sawltak 2:19

Tua ciangin vantung le leitungah hilhkholhna lim le nalamdang ka bawl ding hi. Sisan kiluansakna, meikatna le meikhu sahpi hong om ding hi.

Hebru 12:27

“Khat vei liingsakkik lai ding,” a cih ciangin a kipiangsak nate kiliingsakin kipaai khia dinga, a kiliingsak lo nate kip lai ding ahihna thu hong kilangsak hi.

Mangmuhna 6:12

Ciaptehna gukna a hon ciangin ka khuadak le nakpi takin zin hong liing a, ni pen puan vom bangin hong vomin, kha pen sisan bangin a hong san hi.

Mangmuhna 6:5

Ciaptehna a thumna a hon ciangin ganhing a thumna in, “Hong pai in,” a cihna ka za hi. Sakol vom khat hong pai ka mu a, a tungah a tuang pa in a khut ah tawitehna a tawi hi.

Mangmuhna 6:6

Tua ganhing lite lak panin awging bang khat ka za a, “Mangbuh lawhta khat in ni khat tha man a, mangbuhham lawhta thum in ni khat tha mah man hi. Ahi zongin oliv huan le leenggui huan susia kei in,” a ci hi.

Mangmuhna 6:8

Ka khuadak leh sakol puang khat ka mu a, a tungah a tuang paʼ min pen Sihna hi a, a nungah Hell in a zui hi. Amaute in namsau, kialpi, pulnatna le gamsate tawh leitung mi seh li suah seh khat a thah theih nadingun thu a kipia hi.