Mattiu 24:6 - Tedim Bible Revision 2017

⁶ A nai, a gamla ah gal kidona thu na za ding uh hi. Hihte a piang mah ding hi a, ahi zongin a bei nading hi nai lo ahih manin patau kei un.

Tedim Bible

⁶ Galdona thu leh galkap nading thu na za ding uh hi. Ahih hangin na lunghihmawh loh nadingun na kingaihsun un. Bang hang hiam na cih uh leh, tua thu khempeuh a piang ding uh hi. Ahih hangin, a beina a tung nai kei ding hi.

Mattiu 24:6 Iomraidhean Croise

Late 112:7

Amah in thusia zak ding lau lo hi. Topa muang a, ama lungsim a kip hi.

Isaiah 12:2

En in, Pasian pen kei a hong hon khia pa ahi hi. Amah ka muang dinga, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong hon khia pa ahi hi,” a cih hun uh hong tung ding hi.

Isaiah 7:4

ama tungah, ‘Kidawm inla, om khinkhian in. Lau kei in. Syria kumpipa Rezin le Remaliahʼ tapaʼ hehna pen, sing tum bang nih a khute tawh kibang lel ahih manin na lung gimsak kei in.

Jeremiah 47:6

Note in, ‘Topaʼ namsau aw, tawlnga nai lo ding na hi hiam? Na paai sungah lutkik inla, taang loin khawl dide in,’ na ci uh hi.

Ezekiel 21:28

“Mihing ahi Ezekiel aw, mailam thu gen inla, Topa Pasian ahi keimah in Israel mite a simmawh bawl Ammon mite tawh kisai-in ka thugen, hih bangin amaute kiangah gen in: A vatlum dingin namsau khat a baih sa-in om a, mi thah nadingin kinawtngil a, khuaphia bangin a tee zialzial dingin a kibawl hi.

Mattiu 2:3

Kumpi Herod in hih thu a zak ciangin lamdang sa mahmah a, Jerusalem khuami khempeuh in zong lamdang a sa ciat uh hi.

Mattiu 24:14

Tua ciangin mi khempeuh tungah teci ahi dingin Pasianʼ hong ukna hangin a lungdamhuai thu, leitung khempeuh ah kihilh ding hi. Tua khit ciangin beina hong tung ding hi.

Mattiu 26:54

Tua bangin kivaikhak hi zenzen leh Lai Siangtho in tu-a bangin a pian nading a gen pen bangci tun theih ding ahi hiam?” a ci hi.

Luka 21:19

Hih bangin thuak zo le-uhcin nuntakna taktak ngah ding na hih manun kip takin om un.

Luka 21:9

Gal thu ahi a, gam kilumlet nading thu ahi zongin na zak uh ciangin lau kei un. Hih bang thute a hong piang masa ding mah hi a, ahi zongin bei nading hong nai ta hi, a cihnopna hi nai lo hi,” a ci hi.

Luka 22:37

Bang hangin hih bangin hong gen ka hi hiam cih leh, Lai Siangtho in, ‘Mawhneite lakah amah kihelsak hi,’ ci-in keima thu a genna pen hong tung ding hi,” a ci hi.

Johan 14:1

Tua ciangin Jesu in a nungzuite kiangah, “Note lunghimawh kei un. Pasian um unla, kei zong hong um un.

Johan 14:27

Note tungah keima neih bang lungnopna kong pia ding hi. Tua ka hong piak ding lungnopna pen leitung mite in a piak theih a kip lo lungnopnate pawl hi lo hi. Tua ahih manin lau kei unla, zong lungkham kei un.

2 THESALONIKA NIHNA 2:2

Topaʼ hong pai ding ni hong tung khinta hi, ci-a thu kigenna hangin lunghimawhin lungmangin om kei un. Thuhilh khat peuhpeuh in hih bang thu hong gen kha thei dinga, tua thu pen koteʼ gen leh gelh hi, ci-in zong gen kha ding uh hi.

Mangmuhna 6:4

Sakol a ausan khat hong pai a, mite khatlekhat a kithah theih nadingun a sakol tung tuang pa in leitungah gal kidona a piansak theih nading vangliatna kipia a, ama tungah namsau lian mahmah khat zong kipia lai hi.