Mattiu 24:45 - Tedim Bible Revision 2017

⁴⁵ “A pil a citak nasem i cih a bangcite ahi hiam? A nasep pih dangte ukin a hun manmanin amauteʼ nekzah ding ciat an a pia dingin a topa in a seh a nasem pa ahi hi.

Tedim Bible

⁴⁵ “A topa in a hun a tun’ cianga a innkuanpihte annek tuidawn a hawmsak ding a koih, a diktat, a lungpil nasempa kua ahi hiam?

Mattiu 24:45 Iomraidhean Croise

Paikhiatna 36:4

biakbuk nasep a namkim a sem mi khempeuh amauʼ nasepna ciat panin hong pai uh a,

Paunak 14:35

A hoihin a gamta a mite tungah kumpipa lungdam a, a gina-in a gamta lote gim a pia hi.

Paunak 28:20

A citak mipa in thupha tampi ngah dinga, a hau baih nuam mipa in gim tuak pelmawh ding hi.

Ezekiel 34:2

“Mihing ahi Ezekiel aw, keima tuu hon ahi Israel mi a cingte mawhsakna thu gen in. Amaute kiangah thu gen inla, Topa Pasian ahi keima thugen, amaute kiangah hih bangin gen in: Israel mi a cing note aw, gimna na thuak ding uh hi. Nomau mahmah na kivak uh a, tuute na don kei uh hi.

Ezekiel 46:24

A mipa in, “Hihte pen, mite in biakna-in a piak sate, biakinn sung nasemte in a huanna anbuk ahi hi,” hong ci hi.

Mattiu 10:16

“Ngia hon lakah tuu a kikhah bangin note hong sawl khia ka hih manin gul bangin pilvang unla, vakhu bangin migi un.

Mattiu 13:52

Tua ciangin Jesu in amaute kiangah, “Vantung ki-ukna sungah a hong lut Thukham hilh siate khempeuh pen, a sumkholna panin a thak le a lui, a ututin a la khia thei ziauziau sum nei pa tawh kibang uh hi,” a ci hi.

Mattiu 24:46

A topa hong ciah ciangin ama sawl bangin na semin a om a muhpa pen mi hampha mahmah khat ahi hi.

Mattiu 25:2

Nungak sawmte sung panin nga pil uh a, nga hai uh hi.

Mattiu 25:21

a topa in, ‘Hoih mahmah hi; a hoih a citak nasem pa aw, a tawmno na zekna ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Mattiu 25:23

a topa in, ‘Hoih mahmah hi; a hoih a citak nasem pa aw, a tawmno na zekna ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Mattiu 7:24

“Ka thuhilhna za-in a zui mi khempeuhte pen suang tungah a inn a lam mipil pa tawh kibang ding hi.

Luka 19:17

Amah in, ‘Hoih mahmah hi; nang pen nasem gina na hi hi. Thuneu ah citak na hih manin khuapi sawm na uk ding hi,’ a ci hi.

Sawltak 20:28

Kha Siangtho in noteʼ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

1 TIMOTI MASA 1:12

Hih bangin na sep zawh nadingin thatang hatna a hong pia i Topa Khris Jesu tungah ka lungdam hi. Ama nasem dingin kei hong muangin hong seh ahih manin ka nuam hi.

2 TIMOTI NIHNA 2:2

Mi tampiteʼ theihin ka thuhilh, na zak sa thu khempeuh, midangte a hilh sawn thei dingin a citak mite tungah hoihtakin a zuih dingun na hilh in.

Hebru 3:5

Moses pen nasem khat hihna tawh Pasianʼ inn sungah thu khempeuh ah citak a, mailam hunah Pasian in a gen ding thute a gen hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satanʼ omna munah a kithah hun laitak nangawnin kei na hong upna uh na khahsuah kei uh hi.

Ruth 2:6

Tua ciangin anlate a uk nasem pa in dawngin, “Moab gam panin Naomi tawh a hong ciahkik Moab numei ahi hi.