Mattiu 24:42 - Tedim Bible Revision 2017

⁴² Tua ahih ciangin bang hunin na Topa uh hong pai ding cih thei lo na hih manun na pilvang un.

Tedim Bible

⁴² Bang hang hiam na cih uh leh, na Topa uh hong pai ding ni na thei kei uh hi.

Mattiu 24:42 Iomraidhean Croise

Mattiu 24:36

Ahi zongin a ni le a nai hun ding pen kuamah in thei lo hi. Vantungah a om vantung mite ahi a, Tapa nangawn in ahi zongin thei lo a, Pa Pasian bek in thei hi.

Mattiu 24:43

Ahi zongin na phawk ding uh thu in: Inn nei pa in zan laitakin guta pa a pai ding hun thei khol leh amah in na pangin a inn luhsak lo ding hi.

Mattiu 24:44

Tua ahih manin Mihing Tapa zong, noteʼ upmawh loh hun laitakin hong pai ding ahih manin note zong na kiging tawntung ta un.

Mattiu 25:10

Meitui lei dingin amaute a paikhiat kal sungin zineipa hong tung hi. A kiging sa-in a om nungakte in zineipa dawnin mopawi bawlna sungah a lut khawm pah uh hi. Tua khit ciangin kong kikhak hi.

Mattiu 25:13

“Tua ahih manin a ni le a hun thei lo na hih manun na pilvang un.”

Luka 21:34

“Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Luka 21:36

Hih thupiang khempeuh thuak zawh nading thahatna na neih nading uh le Mihing Tapa mai ah na din theih nadingun a tawntungin thu ngenin vil niloh un,” a ci hi.

ROM (Romans) 13:11

Tu hun pen bang hun hi ta ahi hiam, ci-in thei ta na hih manun tu-a bangin na gamtat ding uh ahi hi. Tu-in note in khua phawkin na khanlawh ding uh hun hi ta hi. Bang hang hiam cih leh Jesu Khris i up cil lai hun sangin tu-in Pasian in leitung haksatna panin eite hong hotkhiat ding hun hong nai zaw hi.

1 KORIN MASA 16:13

Kiging tawntungin na upna uh ah kip unla, thahatin hang un.

1 THESALONIKA MASA 5:6

Tua ahih ciangin midangte bangin eite mawk om hithiat loin khua phawkin pilvang ni.

1 PETER MASA 4:7

Na khempeuh a bei nading hun hong nai ta hi. Nomau pumpi ki-uk tawm thei-in pilvang unla, hoihtakin thu a ngen thei-in om ta un.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nek theih ding zongin vak kawikawi hi.

Mangmuhna 16:15

(“Na ngai un! Guta bangin kei ka hong pai hi. Mihon lakah guaktangin pai-in maizumna a ngah khak loh nadingun a puante uh kemin, pilvang khua phawkin a om mite a hampha ahi uh hi.”)