Mattiu 24:4 - Tedim Bible Revision 2017

⁴ Jesu in amaute kiangah, “Kidawm unla, miteʼ khem sa-in ta kei un.

Tedim Bible

⁴ Zeisu in, “Kuamah in hong khem zawh loh nadingin na kikem un.

Mattiu 24:4 Iomraidhean Croise

Jeremiah 29:8

Vanglian Topa, Israel miteʼ Pasian in kong genin ah: Noteʼ lakah a om na kamsangte uh le na aisan theite uhʼ khem sa-in ta kei unla, a mangmat hong gente uh na ngai kei un.

Jeremiah 37:9

Topa in kong cih in ah, nang le nang kikhemin, “Babylon-te hong kilehkik nawn lo taktak ding uh hi,” ci kha kei in. Bang hang hiam cih leh amaute hong kilehkik ding uh hi.

Marka 13:22

Bang hang hiam cih leh Khris kineihkhemte le kamsang kineihkhemte hong piang dinga, ahih zawh leh a teel sa mite nangawn a khem nadingun lim le nalamdangte hong bawl ding uh hi.

Luka 21:8

Jesu in, “Kidawm unla, miʼ khem sa-in ta kei un. Bang hang hiam cih leh keimah a kineih mi tampi hong pai ding uh a, ‘Keimah, Khris ka hi hi; a hun hong tung ta hi,’ hong ci ding uh hi. Tua bang miteʼ nung zui kha kei un.

Galati 6:3

Mi khatpeuh, bangmah hi lo napi-in amah a kithupi ngaihsut mawkmawk leh amah le amah a kikhem ahi hi.

Efesa 4:14

Tua hun ciangin thu upna lamah naupang ihi nawn kei dinga, mite khemin a khialsak theiteʼ mutna hangin i suk hoi i to hoi nawn kei dinga,

Efesa 5:6

Hih bang mawhnate i bawl hangin phamawh kei, ci-in a mawk gen miteʼ khem sa-in ta kei un. Pasian thu mang loin hih bangin a gamta mite in Pasianʼ hehna a thuak ding uh ahi hi.

Kolose 2:18

Maang a muhna hangun a thupi diakin kingaihsunin, a kilawm lo zah dongin kiniamkhiat nading le vantung mite biak ding a hong hanthawn miteʼ khem sa-in ta kei un. Tua bang mite pen amauʼ ngaihsut tawmna tawh a kihisak mawk hi a,

Kolose 2:8

Khris thu tawh a kituak lopi-in, tangthu tuanthu ahi a, huihlak a ukteʼ thu siksanin ahi zongin, bangmahin a kimang lo leitung pilna tawh miteʼ khem sa-in sila na suahkhak loh nadingun kingaihsun un.

2 THESALONIKA NIHNA 2:3

Ahi zongin kuama khem sa-in ta kei un. Bang hang hiam cih leh nakpi takin Pasian langpanna lianpi le hell khuk sung a tung ding ahi A Gilopa hong kilat matengin tua Ni hong tung lo ding hi.

1 JOHAN MASA 4:1

Ka it lawmte aw, kha ka nei a ci mi khempeuhʼ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.