Mattiu 24:3 - Tedim Bible Revision 2017

³ Oliv Mual tungah Jesu tu-in a om laitakin a nungzuite guak a tuamin hong pai uh a, “Hih thute cik ciangin hong piang dinga, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Tedim Bible

³ Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Mattiu 24:3 Iomraidhean Croise

Mattiu 13:36

Tua ciangin mihonte lak panin Jesu pai khia-in inn sungah a lut hi. A nungzuite ama kiangah hong pai uh a, “Lo lai-a om Tahum Thu gentehna a khiatna hong gen in,” a cih uh ciangin

Mattiu 13:49

Leitung hun bei ciangin zong tua bangmah hi ding hi. Vantung mite hong pai-in mihoihte lak panin migilote la khia-in,

Mattiu 15:12

Tua ciangin nungzuite in Jesu kiangah, “Farisi mite in hih na thugen a zak uh ciangin na a sak mahmahna thu uh na thei hiam?” a ci uh hi.

Mattiu 16:27

A Paʼ minthanna vang le a vantung mite tawh Mihing Tapa hong paikik dinga, mi khempeuh amauʼ gamtatna ciat tawh a kizui-in a thuk ding hi.

Mattiu 16:28

Hih lai-a a om mi pawl khatte a sih ma-in Mihing Tapa, Kumpi-in hong pai ding ahih lamtak phawk khial kei un,” a ci hi.

Mattiu 17:19

Tua ciangin amau guak a om laitakun nungzuite in Jesu kiangah, “Bang hangin kote in tua dawi hawl khia thei lo ka hi uh hiam?” ci-in a dot uh ciangin

Mattiu 21:1

Jerusalem khuanai, Bethfage khua a omna Oliv Mual a tun uh ciangin Jesu in a nungzuite nih ma sawl a,

Mattiu 24:27

Bang hang hiam cih leh Mihing Tapa hong pai ciangin khuaphialep in van mong khat panin mong khat dong a taanzaihsak mah bangin kithei kim ding hi.

Mattiu 24:30

Tua ciangin Mihing Tapaʼ lim vantungah hong kilang ding hi. Tua ciangin leitung minam khempeuh dahin kap ding uh a, vangliatna le minthanna tawh meii lakah Mihing Tapa a hong pai a mu ding uh hi.

Mattiu 24:37

Noah hun lai-in up hun lohpi khatin tuiciin a tun bangin Mihing Tapa zong up hun lohpi khatin hong pai ding hi.

Mattiu 24:39

Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in thei khol lo ding uh hi.

Mattiu 24:43

Ahi zongin na phawk ding uh thu in: Inn nei pa in zan laitakin guta pa a pai ding hun thei khol leh amah in na pangin a inn luhsak lo ding hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Luka 21:7

Tua ciangin amaute in, “Cik ciangin hih thu hong piang dinga, hih thu a pian ding ciangin bang lim hong om ding ahi hiam?” ci-in a dot uh ciangin

Sawltak 1:7

Jesu in, “Ka Pa in ama thu tawh a seh sa hun le nite, cik ciangin hong tung ding cih thu noteʼ theih ding thu hi lo hi.

Hebru 9:26

Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suah theih nadingin mawhmaisak nadingin hun bei kuan ciangin amah khatvei a va kipia hi.