Mattiu 24:27 - Tedim Bible Revision 2017

²⁷ Bang hang hiam cih leh Mihing Tapa hong pai ciangin khuaphialep in van mong khat panin mong khat dong a taanzaihsak mah bangin kithei kim ding hi.

Tedim Bible

²⁷ Bang hang hiam na cih uh leh, khuaphialep in nisuahna lam pan phia a, nitumna lam dongin a taang mah bangin, Mihing Tapa hong kumna a piang ding hi.

Mattiu 24:27 Iomraidhean Croise

JOB (Job) 37:3

Amah in vanah khua phiasak a, leimong khat pan mong khat dong a taan hi.

JOB (Job) 38:35

‘Khua phia in,’ ci-in thu pia lecin, ‘Nong sawl bangin phia ning,’ hong ci ding ahi hiam?

Isaiah 30:30

Topa in heh mahmahna le a kaang tum thei meikuang sung panin vanging, huihpi le gialpi tawh, ama liatna minthanna aw kizasakin, ama khut a vik sukna kimusak ding hi.

Ezekiel 1:14

Tua ganhingte khuaphia mah bangin kin zalzal kawikawi uh hi.

Zekhariah 9:14

Ama mite tungah Topa kilang dinga, a thaltang lotte khuaphia bang ding hi. Topa Pasian in peengkul tum dinga, leitaw lam panin a hong pai huihpi tawh a va kuan khia ding hi.

Malakhi 3:2

Ahi zongin ama hong pai ni ciangin kua in thuak zo dinga, amah hong kilaak ciangin kua nungta zo ding ahi hiam? Amah pen, sikte a siangthosak mei le puante a siangthosak satpiang tawh kibang hi.

Malakhi 4:5

“Ahi zongin tua a lauhuai lian mahmah Topaʼ ni hong tun ma-in note kiangah kamsang Elijah kong paisak ding hi.

Mattiu 16:27

A Paʼ minthanna vang le a vantung mite tawh Mihing Tapa hong paikik dinga, mi khempeuh amauʼ gamtatna ciat tawh a kizui-in a thuk ding hi.

Mattiu 16:28

Hih lai-a a om mi pawl khatte a sih ma-in Mihing Tapa, Kumpi-in hong pai ding ahih lamtak phawk khial kei un,” a ci hi.

Mattiu 24:26

“Tua ahih kei leh zong mite in, ‘Gamlak ah Khris om hi,’ hong cih leh zong va pai kha kei un. ‘Inn sungah Khris bu hi,’ hong cih leh zong um kha kei un.

Mattiu 24:3

Oliv Mual tungah Jesu tu-in a om laitakin a nungzuite guak a tuamin hong pai uh a, “Hih thute cik ciangin hong piang dinga, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Mattiu 24:37

Noah hun lai-in up hun lohpi khatin tuiciin a tun bangin Mihing Tapa zong up hun lohpi khatin hong pai ding hi.

Mattiu 24:39

Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in thei khol lo ding uh hi.

Mattiu 24:44

Tua ahih manin Mihing Tapa zong, noteʼ upmawh loh hun laitakin hong pai ding ahih manin note zong na kiging tawntung ta un.

Mattiu 8:20

Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihingʼ Tapa in a luptheih nading mun koi mahah nei lo hi,” ci-in a dawng hi.

Jeim 5:8

Note zong na lungduai un. Topa hong pai ding hun nai ta ahih manin na lungsim uh na thahatsak un.

2 PETER NIHNA 3:4

“Amah a hong paikik nading a thuciamna a bangci ahi hiam? I pu i pate zong si khinta uh a, leitung piancil a kipanin tu dong na khempeuh a kibang mahin omom lai hi,” hong ci ding uh hi.