Mattiu 24:16 - Tedim Bible Revision 2017

¹⁶ Judea gam a om mite, mual tungah tai henla,

Tedim Bible

¹⁶ Judah gamah a omte in mual tungah tai ta hen.

Mattiu 24:16 Iomraidhean Croise

Paunak 22:3

Mipilte in a lauhuai thu mu thei-in pelh uh a, mi mawkmawkte in phusuakin thuak uh hi.

Jeremiah 44:29

Noteʼ siat nading ka gen sa thute a hong tung takpi ding ahihna thu na theih nadingun Topa in kong cih in ah, note tungah hih lim kong pia dinga, hih munah note kong thuaksak ding hi:

Jeremiah 6:1

Benjaminʼ suante aw, na suahtak nadingun tai un. Jerusalem khua taisan un. Tekoa khua ah peengkul tum unla, Bethlehem khua ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

Mattiu 2:1

Herod in Judea gamah kumpi a sep hun laitakin tua gam sung Bethlehem khua ah Jesu a suak hi. A suah khit phetin aksi thu lamsang a siam mi pawl khat, nisuahna lam panin Jerusalem ah hong tung uh a,

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuʼ cihnopna thei ta un),

Mattiu 24:17

inn tungah a om mite zong, inn sungah van a la dingin lut nawn kei uh hen.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasianʼ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.