Mattiu 23:8 - Tedim Bible Revision 2017

⁸ Ahi zongin note pen, ‘Sia,’ na kicih ding uh hi lo hi. Sia khat bek na nei uh a, no a dangte khempeuh unau khat na hi uh hi.

Tedim Bible

⁸ Note in, ‘Rabbi,’ hong cih ding na ut kei un, Bang hang hiam na cih uh leh, na to uh khat bek a om hi. Note khempeuh in unau pawlkhat na hi uh hi.

Mattiu 23:8 Iomraidhean Croise

Mattiu 10:25

Tua ahih manin sang naupangte pen a siapa uh tawh a kibat uh leh a lungkim ding uh hi a, silate pen a tote uh tawh a kibat uh leh a lungkim ding uh ahi hi. Innteek lutang pa pen Beelzebul hong ci uh ahihleh a innkuan pih mite tua sangin minsia zaw tawh hong ko zaw lai ding uh hi lo ahi hiam?

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 23:10

Topa dingin Khris bek nei na hih manun note khatlekhat, ‘Topa,’ na kici kei un.

Mattiu 23:7

Mihon lakah mite in hopihin, ‘Sia aw,’ a cih ding uh a ut uh hi.

Mattiu 26:25

Jesu a lehhek pa Judas in, “Topa aw, kei ka hi hiam?” a cih ciangin, “Na ci khin hi,” ci-in Jesu in a dawng hi.

Mattiu 26:49

Judas zong Jesu kiangah hong pai pahin, “Topa aw, thupha ngah ta in,” ci-in hopihin limnap mahmah hi.

Marka 10:51

Jesu in, “Bang kong hihsak ding deih na hi hiam?” ci-in a dot ciangin mittaw pa in, “Sia aw, khua ka mukik thei nuam hi,” a ci hi.

Marka 11:21

Peter in a thu phawk ahih manin, “Sia aw, na theikung samsiat a sita hi,” a ci hi.

Marka 14:45

Tua ahih manin hong tun phetin Jesu kiangah pai pah a, “Sia aw,” ci-in limnap mahmah hi.

Marka 9:5

Peter zong hong pau-in Jesu kiangah, “Sia aw, hih lai-a i om, nuam mahmah hi. Nang ading buk khat, Moses ading buk khat, Elijah ading buk khat kong lamsak ding uh hi,” a ci hi.

Luka 22:32

Ahi zongin, Simon aw, na upna na khahsuah loh nadingin nang adingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

Johan 1:38

Jesu kihei a, amau tegel in a zuih lam a muh ciangin, “Bang zong na hi uh hiam?” ci-in a dong hi. Amaute in, “Sia aw, koi lai ah om na hi hiam?” ci-in a dawng uh hi.

Johan 1:49

Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

Johan 11:8

a nungzuite in, “Sia aw, zan mah deuhin Judea gam mite in nang den lup hong sawm uh ahih manin tua gamah paikik sawm na hi hiam?” a cih uh ciangin

Johan 20:16

Tua ciangin Jesu in, “Mary!” a cih leh Mary zong ama lamah kihei a, “Rabboni,” ci-in a dawng hi. (Rabboni pen Hebru pau hi a, “Siapa,” a cihna ahi hi.)

Johan 3:2

Khat vei zan khuamial laitakin Jesu kiangah va pai a, “Sia aw, mi khat peuhpeuh Pasian in ompih lo hileh hih nalamdangte kuamah in bawl thei lo ding ahih manin nang pen Pasianʼ hong sawl siapa na hihna ka hong thei uh hi,” a ci hi.

Johan 3:26

Tua ahih manin Johan nungzuite a kiangah hong pai uh a, “Sia aw, Jordan Gun gal khat ah na om khawm pih ngei pa, ama thu na genna na phawk lai hiam? Tu-in amah in mi tui phumphum a, mi khempeuh in amah zuan uh hi,” ci-in a gen uh leh

Johan 4:31

Mite a hong tun ma hunsung tengin a nungzuite in, “Sia aw, an ne in,” ci-in a kun uh hi.

Johan 6:25

Tui gal khat ah Jesu a muh uh ciangin, “Sia aw, bang hunin hih lai na tung na hi hiam?” a ci uh hi.

Johan 9:2

A nungzuite in, “Sia aw, hih pa a mittawtna ama mawhna hang ahi hiam, a nu a pateʼ mawhna hang ahi hiam?” ci-in a dong uh hi.

2 KORIN NIHNA 1:24

Hih bangin um un, ci-in thatang hat thu tawh a hong gen ding ka hi kei uh hi. Note na upna uh ah kip khin na hih manun noteʼ lungdam nadingin note tawh na a sem khawm ka hi uh hi.

2 KORIN NIHNA 4:5

Bang hang hiam cih leh koteʼ hilh thu pen komauʼ thu hi lo a, Khris Jesu pen Topa ahi hi, ci-in a hilh ka hi uh a, kote pen Khris hangin nomauʼ na a semte ka hi uh hi.

Filemon 1:16

Tu-in amah sal bek hi nawn loin sal sangin a thupi zaw, Khris hangin i sanggam hong hi ta hi. Kei adingin amah a man phat mah bangin sal hihna le Topa thu sungah sanggam hihna tawh nang adingin zong hong manpha zaw kan ding hi.

Jeim 3:1

Sanggamte aw, mite tungah thu a hilh eite pen midangte sangin a khauh zaw-in thu hong kikhen ding ahih manin note tampi sia na suak nuam se kei un.

1 PETER MASA 5:3

Noteʼ kep dingin a hong kipia tuute, aana neihna tawh a cing hi loin tuuteʼ etteh dingin a gamtate na hi un.

Mangmuhna 1:9

Noteʼ sanggam keimah Johan in Jesu tawh kipawlna hangin note mah bangin bawlsiatna thuakin, Pasianʼ Ukna sungah omin, lungduai takin a thuak mipa ka hi hi. Pasianʼ thu le Jesuʼ hong gen thumante ka genna hangin Patmos a kici tuikulh-ah kei hong kikoih hi.

Mangmuhna 19:10

Tua ciangin amah a bia dingin a khe phung ah ka kun suk a, ahi zongin amah in, “Kei hong bia kei in. Kei pen Jesuʼ hong thugente a lenkip nang le na sanggamte khempeuh tawh nasem khawm khat ka hi hi. Pasian bia in!” hong ci hi. Jesuʼ thugen in kamsang nasep sepnop nading lungsim a guan ahi hi.

Mangmuhna 22:9

Ahi zongin amah in, “Kei hong bia kei in. Kei pen nang le na sanggamte le hih laibu sungah a om thu a zui mite tawh nasem khawm khat ka hi hi. Pasian bia in,” hong ci hi.