Mattiu 22:44 - Tedim Bible Revision 2017

⁴⁴ ‘Topa in keima Topa tungah thu gen a: Na galte, na khe nuai ah ka koih matengin ka tak lamah na tu in,’ ci hi, ci-in thu na gen a, Khris pen ka Topa ci ahi hiam?

Tedim Bible

⁴⁴ David cihna in: “Topa in, ‘Na galte na khe nuai-ah ka koih matengin, Ka ziat lamah na tu in,’ ci-in, ka Topa kiangah a ci hi,” ci-in David in a ci hi.

Mattiu 22:44 Iomraidhean Croise

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Late 110:1

Topa in ka to kumpipa tungah, “Na galte nangma khengakna-in ka bawl matengin ka tak lamah tu in,” a ci hi.

Late 21:9

Na kilat ciangin meiphual kuang bangin amaute na hih ding hi. Topa in hehna tawh amaute nawmvalh dinga, meikuang in amaute kaang tum ding hi.

Mattiu 22:45

David in Khris pen Topa ci ahihleh bang hangin Khris pen Davidʼ suan hi thei ding ahi hiam?” ci-in thu a dong hi.

Mattiu 26:64

Tua ciangin Jesu in, “Nangmah in tua mah na ci khin hi. Ahi zongin note khempeuh kiangah ka hong genin ah: Vanglian paʼ tak lamah Mihing Tapa omin meii tungah a hong pai na mu ding uh hi,” a ci hi.

Marka 16:19

(Tua bangin Topa Jesu in amaute tungah thu a gen khit ciangin vantungah kila to-in Pasianʼ tak lamah a tu hi.

Luka 19:27

Tu-in, kumpi dingin kei a hong deih lo ka galte pen hih lai ah hong paipih unla, keima muhna ah that un,’ ci hi,” a ci hi.

Johan 20:28

Thomas in zong, “Ka Topa, ka Pasian!” ci-in a dawn ciangin

1 KORIN MASA 1:2

Jesu Khris tawh kipawlna hangin Pasianʼ mi suakin, Pasianʼ mi siangtho cihna a ngah, Korin khua-a om Pasianʼ pawlpi mite le eiteʼ Topa bek hi loin, amauteʼ Topa zong ahi, i Topa Jesu Khris tungah thu a ngen, mun khempeuh ah a om mite tungah lai ka hong khak uh hi.

1 KORIN MASA 15:25

Bang hang hiam cih leh Pasian in a galte khempeuh zo-in a khe nuai ah a koih khit hun dong mateng Khris in uk ding hi.

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Hebru 1:13

Ahi zongin Pasian in ama vantung mite kiangah, “Na galte na khe nuai ah ka hong sikcipsak matengin ka tak lamah hong tu in,” ci ngei lo hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Mangmuhna 19:19

Tua ciangin sakol tungah a tuang pa le a galkapte a sim dingin ganhing le leitung kumpite a galkapte uh tawh a kikaikhawm ka mu hi.