Mattiu 21:9 - Tedim Bible Revision 2017

⁹ A mai-a pai mihonte le a nung a zui mihonte awng uh a, “Davidʼ suan Jesu in phatna ngah tahen! Topaʼ min tawh hong pai pa in thupha ngah tahen! A sangpen a om Pasian in phatna ngah tahen!” a ci uh hi.

Tedim Bible

⁹ A mai pai, a nung a zui mihonpite in, “David’ Tapa tungah Hosanna! Pasian’ min tawh hong paipa in thupha ngah ta hen! Van a sangbelna-ah Hosanna!” ci-in a kiko uh hi.

Mattiu 21:9 Iomraidhean Croise

Late 148:1

Topa phat un. Vantung panin Topa phat unla, a sangna panin amah phat un.

Mattiu 21:10

Jerusalem khua sung a tun uh ciangin khua sung mi khempeuh gamlum henhan uh a, “Hih pa kua ahi hiam?” ci-in khatlekhat a kidong uh hi.

Mattiu 21:15

Ahi zongin siampi liante le Thukham hilh siate in a nalamdang bawlte mu-in, biakinn sungah naupangte in, “Davidʼ suan Jesu in phatna ngah tahen!” ci-in a kikona a zak uh ciangin heh uh ahih manin

Mattiu 23:39

Nang kiangah kong genin ah: ‘Topaʼ min tawh a hong pai mipa in thupha ngah tahen,’ na cih hun hong tun matengin kei nong mu nawn kei ding hi,” a ci hi.

Mattiu 9:27

Tua lai panin Jesu a paikhiat ciangin mittaw mi nih in a nungah hong zui-in nakpi takin kiko uh a, “Davidʼ suan Jesu aw, kote hong hehpih in,” ci-in a thum uh hi.

Luka 13:35

Tu-in na innte kinusiacip ding hi. ‘Topa min tawh a hong pai mipa, Pasian in thupha pia tahen,’ na cih hun hong tun matengin kei nong mu nawn kei ding hi,” a ci hi.

Luka 2:14

“Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.