Mattiu 21:5 - Tedim Bible Revision 2017

⁵ Tua a genna ah, “En un, na kumpipa uh hong pai hi. Kiniamkhiatna tawh lapi tung le la no tungah tuangin hong pai hi, ci-in Zion khua mite kiangah gen un,” a ci hi.

Tedim Bible

⁵ “En in, na Kumpipa, lungsimniam tawh, Lapi’ ta lano leh la tungah tuangin, Na kiangah hong pai ding hi,’ ci-in, Zion’ tanu kiangah na gen ding hi,” ci-in a gen hi.

Mattiu 21:5 Iomraidhean Croise

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

2 SAMUEL NIHNA 16:2

Tua ciangin kumpipa in Ziba kiangah, “Bang hangin hihte hong paipih na hi hiam?” a ci hi. Ziba in dawngin, “Late pen kumpipaʼ innkuante a tuan nading, anlum le khuakhal singgahte pen tangvalteʼ nek ding le leenggahzu pen gamlak ah a gimteʼ dawn ding ahi hi,” a ci hi.

1 KUMPI MASATE 1:33

Kumpipa in amaute kiangah, “Na topaʼ nasemte paipih unla, ka tapa Solomon keima la-sakol tungah tuangsakin Gihon ah paipih suk un.

1 KUMPI MASATE 10:26

Tua ciangin Solomon in leengte le sakol tung tuangte khawm hi. Amah in leeng tul le za li le tuanna sakol tul sawm le tul nih nei a, amah in tuate, leeng khuapite le Jerusalem ah zat tawm dingin a koih hi.

Late 9:14

nangmah a hong kiphatnate phawk kikkik inla, na hong hotkhiatna hangin Jerusalem khua sungah ka nuamna ka gengen ding hi.

Isaiah 12:6

Zion-a teeng mite aw, nomauʼ lakah Israel-teʼ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Isaiah 40:9

Jerusalem aw, mual sang dawnah kah to-in lungdamna thu kiko in. Zion aw, nakpi takin awng inla, lungdamna thu taangko in. Nakpi takin kiko inla, lau kei in. Judah gam khuapite tungah, “Na Pasian uh hong pai ta hi,” ci-in gen ta un.

Isaiah 62:11

Leimong dongah Topa taangko khin hi. Jerusalem mite tungah, “En un, no hong hon khia pa hong pai hi. Ama sep thaman a mite hong pua a, a gualzawhna thaman a mite hong masuan hi,” ci un.

Ezekiel 34:24

Topa ahi keimah, amauteʼ Pasian ka hi dinga, ka nasem pa David, amaute a ukpa hi ding hi. Topa ahi keimah in hih thu ka gen khin hi.

Ezekiel 37:24

Ka nasem pa David pen amauteʼ kumpi hi dinga, mi khatʼ ukna nuai ah amaute kigawmin, ka thukhamte hoihtakin zui ding uh hi.

Hosea 1:7

Ahi zongin Judah mite ka hehpih dinga, namsau le thal, sakol le sakol tung tuangte le galsimna tawh hi loin, amauteʼ Topa Pasian ahi kei mahmah in amaute ka hon khia ding hi,” a ci hi.

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Gamlak-vakna 24:19

Jakob tawh ukna na kisem dinga, khuapi sunga a suaktate kisusia ding!” a ci hi.

Mattiu 11:29

Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

Mattiu 2:2

“Jew miteʼ kumpi ding ahi naungek a hong suak pen koi lai ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Mattiu 21:6

Nungzui tegel zong Jesu sawl bangin va pai uh hi.

Luka 24:27

Tua ciangin Jesu in Lai Siangtho sungah ama thu a kigennate khempeuh, Moses laibu a kipanin kamsangteʼ laibu khempeuh a khiatna a gen hi.

Johan 1:49

Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

2 KORIN NIHNA 10:1

Keimah Paul in Khris migitna le lungduaina tawh note kiangah kong thum hi. Kei pen note tawh ka hong om khawm laitakin a meidawi, note tawh ka om khawm loh ciangin a tapkual han in hong kigen hi.

Thu-hilhkikna 17:16

Amah in ama aituam dingin sakol tampi nei lo ding hi. Topa in no kiangah, ‘Hih lampi tawnin na kilehkik ngei kei ding uh hi,’ hong ci ahih manin, amah in sakolte a lei dingin Egypt gamah mite paisak lo ding hi.

Thukhente 12:14

Amah in la sawm sagihte tungah a tuang tapa sawm li le tupa sawm thum nei hi. Amah in Israel-te kum giat sung thu khen hi.

Thukhente 5:10

“A thu gen un, no la puang tungah a tuangte, sualphah puan hoih tungah a tute le lampi ah a paite aw.