Mattiu 21:43 - Tedim Bible Revision 2017

⁴³ Tua ahih ciangin note kiangah kong genin ah: Note pen Pasian hong ki-uksak nawn lo dinga, a kilawmin a gamta ding mite bek Pasian in uk ding hi.

Tedim Bible

⁴³ Tua ahih ciangin, ke’n kong cih-inah Pasian Gam note kiang pan kilakhia ding a, tampi gah a gahsak thei mipawl dangte kipia ding hi.

Mattiu 21:43 Iomraidhean Croise

Paikhiatna 19:6

note pen keima siampi nasep a sem minam le minam siangtho na hi ding uh hi. Israel mite tungah hih thute na gen ding ahi hi,” a ci hi.

Isaiah 26:2

Upna ah a kip thuman minamte a lut theih nadingin kulh kongpite hong ta un.

Isaiah 28:2

En un, a vang a lian, a hat mahmah mi khat Topa in nei hi. A susia huihpi gialpi, tuikhang le a thahat huihpi bangin amah in leilak den gawp nading hi.

Mattiu 12:28

Noteʼ ngaihsut bang hi loin, Pasianʼ Kha in dawi hawlkhiat nading vangliatna kei tungah hong pia ahih manin note lakah Pasianʼ ukna hun hong kipan khin ahihna hong kilang hi.

Mattiu 21:41

Amaute in, “Tua migilote that gawp dinga, a hunhunin leenggah a pia ding lo khawhlawh dangte khosak ding hi,” a ci uh hi.

Mattiu 21:42

Jesu in amaute kiangah, “Lai Siangtho sungah, ‘Innlamte in a nilkhiat suang pen innkiu suang bulpi suak khinta hi. Hih pen Topaʼ bawl hi a, i muh ciangin lamdang i sa hi,’ ci-in a kigelhna sim ngei lo na hi uh hiam?

Mattiu 21:44

Hih suang tungah a kia mi khempeuh kizan gawp dinga, mi khatpeuh tungah tua suang a kiat leh zong deng zan gawp ding hi,” a ci hi.

Johan 3:3

Jesu in, “A mantakin kong genin ah, mi khatpeuh a suahkik kei leh Pasianʼ Ukna sungah lut thei lo ding hi,” a ci hi.

Johan 3:5

Jesu in, “A mantakin kong genin ah, mi khatpeuh tui le Kha Siangtho tawh a suahkik kei leh Pasianʼ Ukna sungah lut thei lo ding hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.