Mattiu 21:39 - Tedim Bible Revision 2017

³⁹ Tua ahih manin amah manin that uh a, lo nawl ah a paai uh hi.

Tedim Bible

³⁹ Lo neipa’ tapa a mat khit uh ciangin leenggah lo nawlah paikhiatpihin a that uh hi.

Mattiu 21:39 Iomraidhean Croise

Mattiu 21:38

Ahi zongin lo khawhlawhte in a tapa a muh uh ciangin, ‘Hih pa pen a gamhluah ding pa ahi hi. Hong pai un; amah thatin a luah ding teng eite in la ni,’ a kici uh hi.

Mattiu 21:40

Tua ahih ciangin leenggah lo nei pa hong pai ciangin a lo khawhlawhte bangci bawl ding ahi hiam?” ci-in a dong hi.

Mattiu 26:50

Jesu in, “Lawm aw, hih dingin na ngim pen hih pak in,” ci-in a dawng hi. Tua ciangin mihonte in Jesu manin a lencip uh hi.

Mattiu 26:57

Tua ciangin Jesu a man mite in siampi lianpen pa Kaiafas kiangah hong paipih uh a, tua lai ah Thukham hilh siate le upate a kikhawm uh hi.

Johan 18:12

Tua ahih manin galkapte le a bute le Jew mi palikte in Jesu manin hen uh a,

Johan 18:24

Tua ciangin Annas in Jesu a kikhih sa mahin siampi lianpen pa Kaiafas kiangah a puak hi.

Sawltak 2:23

Pasian in thu a ma-theih kholhna le a ma-geelna tawh kizui-in noteʼ khut sungah tua Jesu a hong piak ding a ngaihsut sa hi a, note in singlamteh tungah khai-in migiloteʼ khut tawh amah na that uh hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesu Khris min vangliatna tawh hih mipa a ci damin hih lai ah ding ahihna thu, note le Israel mi khempeuh in na theih dingun a kilawm thu khat ahi hi.

Sawltak 5:30

Note in singlamteh tungah Jesu khai-in na thah khit uh ciangin i pu i pateʼ Pasian in sihna panin amah hingkiksak khinzo hi.

Sawltak 7:52

I pu i pate in kamsang a bawlsiat loh khat beek om lo hi. Pasianʼ deihna bangin a gamta a Nasem pa a hong pai nading thu a gen khol Pasianʼ kamtaite na that uh a, tu-in note in tua nasem pa leh hekin na that leuleu uh hi.

Jeim 5:6

A thuman mite mawhsakin na that uh a, amaute in na thu uh hong nial zo lo uh hi.