Mattiu 21:31 - Tedim Bible Revision 2017

³¹ Hih tapa nihte sung panin a koi bel pen a paʼ deih bangin gamta ahi hiam?” a ci hi. Amaute in, “A ta u zaw a ta hi,” a ci uh hi. Tua ciangin Jesu in amaute kiangah, “Note kiangah a mantak a kong genin ah: Pasianʼ ukna sungah note sangin siahdongte le numei paktatte lut masa zaw ding hi.

Tedim Bible

³¹ Tua tate gel koi pen in a pa’ deihna banga ta ahi hiam?” ci-in a dot ciangin amaute in, “A tapa upa pen a ta hi,” a ci uh hi. Zeisu in, “Ke’n aman takpi kong cih-inah, phiangsiah dongte leh numei gilote in Pasian Gam sungah note sangin a lut masa zaw ding uh hi.

Mattiu 21:31 Iomraidhean Croise

Luka 7:29

Siahdongte le midangte khempeuh in hih thu a zak uh ciangin Pasianʼ deihna zui-in Johanʼ khut sungah tui a kiphum uh hi.

Mattiu 7:21

“Kei kiangah, ‘Topa, Topa aw,’ hong ci mi khempeuh, vantung ki-ukna sungah lut thei kim lo ding uh a, vantungah a om ka Paʼ deihna bangin a gamta teng bek lut thei ding uh hi.

2 PETER NIHNA 3:9

Mi pawl khatteʼ ngaihsut bangin Topa in a kamciamna a hong tungsak hak hi zenzen lo hi. Note khat beek in siatna na thuakkhak ding uh deih loin na vekpi-un na kisik ding uh deih ahih manin hong pai nai lohna pen note hong khualna hizaw hi.

ROM (Romans) 5:20

Khialhna a tam semsem nadingin thukham hong kipia hi. Ahi zongin khialhna a tamna munah Pasianʼ hehpihna hong lian zaw zel hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Mattiu 20:16

Tua ahih manin a neute lian dinga, a liante neu ding hi,” a ci hi.

Sawltak 17:30

Pasian in mihingteʼ theih loh hun lai-a a gamtatnate uh phamawh a sak loh hangin, tu-in mun khempeuh a om mi khempeuhte a gamtat siatna panun a kihei nadingun thu a hong pia khinzo hi.

Luka 19:22

A topa in ama kiangah, ‘Nasem gina lopa aw, nangma kampau mah tawh nang na kiman hi. Sum lam lopi-in sum ka deihlam, lokho lopi-in an la nuamin, mi sit hak ka hih lam nong thei hi.

Luka 15:10

Tua mah bangin mawhnei mi khat a kisikkikna hangin Pasianʼ vantung mite lungdam mahmah uh hi,” a ci hi.

Mattiu 18:3

“A man mahmah in note kiangah kong genin ah: Note kikheelin naupang na bat kei uh leh vantung ki-ukna sungah na lut ngei kei ding uh hi.

Mattiu 12:50

Vantungah a om ka Paʼ deihna bangin a gamta mi peuhmah ka sanggam pasal, ka sanggam numei, ka nu ahi uh hi,” ci-in a dawng hi.

Mattiu 9:9

Tua lai mun panin Jesu a paikhiat ciangin siahdongpa Matthai a zumah tu-in a om mu a, “Hong zui in,” a cih leh amah zong dingin a zui pah hi.

JOB (Job) 15:6

Na mawhna thu keiʼ hong gen kisam lo a, na pauna khempeuh in na mawhna hong langsak ta hi.

Mattiu 6:5

“Note in thu na nget uh ciangin miteʼ muh theih dingin a kineihkhem mite in kikhopna inn sung le kongzing lamka lai ah a nget nop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Mattiu 5:18

Hoihtakin na phawk ding uh thu panin: Vanlelei a bei mateng, hih thukhamte a neu pen khat nangawnʼ deihna tangtung lopi-in mawk mai lo ding hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Mattiu 5:46

Tua ahih manin no hong itte bek na it uh leh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi.

Mattiu 21:30

Tua ciangin a ta nau zaw kiangah tua mah bangin va ci a, ‘Pa aw, va kuan mah ning,’ ci napi-in a kuan kei hi.

Johan 3:3

Jesu in, “A mantakin kong genin ah, mi khatpeuh a suahkik kei leh Pasianʼ Ukna sungah lut thei lo ding hi,” a ci hi.

Johan 3:5

Jesu in, “A mantakin kong genin ah, mi khatpeuh tui le Kha Siangtho tawh a suahkik kei leh Pasianʼ Ukna sungah lut thei lo ding hi.