Mattiu 21:27 - Tedim Bible Revision 2017

²⁷ Tua ahih ciangin Jesu kiangah, “Ka thei kei uh hi,” ci-in a dawng uh hi. Jesu in zong amaute kiangah, “Kei zong hih nate, kua thu tawh ka bawl cih kong gen kei ding hi,” a ci hi.

Tedim Bible

²⁷ “Ka thei kei uh hi,” ci-a a gen uh ciangin Zeisu in, “Tua mah bangin hih nate kua thu tawh ka bawl, kong gen kei ding hi.”

Mattiu 21:27 Iomraidhean Croise

Isaiah 28:9

Amaute in kei hong phunsan uh a, “Amah in kua tungah hilh a, kua tungah thugen a kinei ahi hiam? Ang sung panin a kila khia, nawi tawh a kikhen tung naungekte a hilh a kinei ahi hiam?

Isaiah 6:10

Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theih tel loh nading, amaute kihei-in damna a ngah loh nadingun hih miteʼ lungsim mawlsak inla, amauʼ bil uh ngongsak inla, a mit uh va sisak in,” hong ci hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kia khawm ding uh hi,” ci-in a dawng hi.

Mattiu 16:3

Zingsang hun ciangin, ‘Van sanin khua niim ahih manin guah zu ding hi,’ na ci thei uh hi. Note in van maitang na et uh ciangin khua pha ding le khua sia ding khen thei napi-in tu hun thute na theithei kei uh hi.

Mattiu 21:26

Ahi zongin, “Mihingte kiang pan hi,” ci leuleu lehang, mi khempeuh in Johan pen kamsang hi, ci-in ngaihsun uh ahih manin mihonte i kihta zel hi, kici uh hi.

Mattiu 21:28

Tua ciangin Jesu in amaute kiangah, “Note in bangci ngaihsut na hi uh hiam? Mi khat in tapa nih nei hi. A ta u zaw kiangah, ‘Ka ta aw, tu ni-in leenggah lo ah va kuan in,’ ci-in a sawl ciangin

Johan 9:30

Tua ciangin mittaw ngei pa in, “Amah in kei khua hong musak thei napi, amah koi pan a hong piang ahi hiam cih na theih loh uh lamdang mahmah hi.

ROM (Romans) 1:28

Mite in a man ahi Pasianʼ thu ngaihsutin nei nuam lo uh ahih manin amauteʼ ngaihsut hoih lo bangin a gamtat theih nadingun Pasian in a khah khia hi. Tua ahih manin a gamtat dingun a kilawm lo pipi-in a gamta uh hi.

2 KORIN NIHNA 4:3

Lungdamna thu ka hilhte uh kitel lo ahihleh zong siatna a thuak mite ading bekin a kitel lo hi ding hi.