Mattiu 21:26 - Tedim Bible Revision 2017

²⁶ Ahi zongin, “Mihingte kiang pan hi,” ci leuleu lehang, mi khempeuh in Johan pen kamsang hi, ci-in ngaihsun uh ahih manin mihonte i kihta zel hi, kici uh hi.

Tedim Bible

²⁶ “Mi tung pan hong piang hi,’ ci leeng, mite i kihta hi. Bang hang hiam i cih leh mi khempeuh in Johan kamsangpa a sa uh hi,” ci-in khat leh khat a kikup khit uh ciangin,

Mattiu 21:26 Iomraidhean Croise

Isaiah 57:11

Nang zuautatin kei na hong phawk kei hi. Kei na hong ngaihsut loh nading a piangsak zah dingin hih pasian-te bang hi leltak ahi hiam? Sau veipi sung pau loin ka om hithiat manin kei hong zahtak lo na hi hiam?

Mattiu 11:9

Tua ahih kei leh bang a en dingin pai na hi uh hiam? Kamsang pa a en ding maw? Hi hi; kamsang pa a en dingin na pai uh a, tua na muhpa uh kamsang mawkmawk ciang bek hi loin a lian zaw khat ahi hi.

Mattiu 14:5

Herod in Johan that nuam hi. Ahi zongin mite in kamsangin ngaihsun uh ahih manin mite a kihtakna hangin thatsak ngam lo hi.

Mattiu 21:11

Mihonpite in, “Galilee gam Nazareth khua pan a kamsang Jesu hi,” ci-in a dawng uh hi.

Mattiu 21:25

Johan in tuiphum theih nading thu koi lai panin ngah ahi hiam? Pasian kiang panin thu ngah ahi hiam, ahih kei leh mihingte kiang panin thu ngah ahi hiam?” a ci hi. Amaute khatlekhat kiseel uh a, “Pasian kiang pan hi,” ci lehang, “Bang hangin um lo na hi uh hiam?” hong ci ding hi.

Mattiu 21:27

Tua ahih ciangin Jesu kiangah, “Ka thei kei uh hi,” ci-in a dawng uh hi. Jesu in zong amaute kiangah, “Kei zong hih nate, kua thu tawh ka bawl cih kong gen kei ding hi,” a ci hi.

Mattiu 21:46

Jesu a man dingin kithawi uh a, ahi zongin mihonte in kamsang khatin ngaihsun uh ahih manin mihonte a kihtak manun a man ngam kei uh hi.

Marka 11:32

“Mihingteʼ tung pan hi,” cih ding lah, mi khempeuh in Johan pen kamsang taktakin ngaihsun uh ahih manin mite i kihta zel hi, a ci uh hi.

Marka 12:12

Hih thu gentehna pen amaute a cihnopna a a gen ahih lam Jew makaite in thei uh ahih manin Jesu a kimat theih nading a hanciam uh hi. Ahi zongin mihonpite kihta uh ahih manin Jesu bangmah cih loin a paisan uh hi.

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen za nuam veve hi.

Luka 20:19

Jesu in hih thu gentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesu man pah nuam uh hi; ahi zongin mihonte kihta uh ahih manin man pah ngam lo uh hi.

Luka 20:6

“Mihing tung panin a ngah hi,” ci leuleu lehang, Johan pen kamsang taktak hi, ci-in mi khempeuh in um uh ahih manin suang tawh hong deng lum ding uh hi, a kici uh hi.

Luka 22:2

Siampi liante le Thukham hilh siate in mihonpite kihta uh ahih manin kuama theih lohin Jesu a kithah theih nading lampi a zong uh hi.

Johan 5:35

Johan pen meivak bangin kuangin a taang hi a, ama khuavak sungah tawl khat nuamsa-in om ding na ut uh hi.

Johan 9:22

Jesu pen Khris hi, ci-in a gen peuhpeuh, kikhopna inn panin hawl khia ni, ci-in Jew mi uliante in thukimna nei khin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

Sawltak 5:26

Tua ciangin biakinn ukpa le a mite va pai-in sawltakte hong paipihkik uh hi. Mihonte in suang tawh amaute a den gawp khak ding lau uh ahih manin sawltakte ngongbawl loin thudam tawh a paipih uh hi.