Mattiu 21:21 - Tedim Bible Revision 2017

²¹ Jesu in, “Note kiangah a mantak a kong genin ah: Note in uplahna nei het loin, upna taktak na neih nak uh leh hih theikung tungah a piang bang na hih theih uh banah, hih mual kiang nangawn ah, ‘Na omna pan pai khia-in tuipi sung kidenna in,’ ci le-uhcin na cih bangun piang ding hi.

Tedim Bible

²¹ Zeisu in, “Ke’n aman takpi kong cih-inah, note in um khial loin upna taktak na neih uh leh, hih theikung tungah ka hih bangin na bawl thei uh tham loin, hih mual kiangah, ‘Na omna pan na kinkhia in la, tuipi sungah na kipaai in,’ ci le-uh teh na cih uh mah bangin a piang ding hi.

Mattiu 21:21 Iomraidhean Croise

Mattiu 14:29

Jesu in, “Hong pai in,” a cih ciangin Peter zong gunkuang tung panin kum khia a, Jesuʼ omna lam manawhin tui tungah a pai hi.

Mattiu 17:20

Jesu in, “Na upna uh a cingtaak lohna hang ahi hi. Ahi taktakin note kiangah kong genin ah: Ankam tang cia bang upna na neih nak uh leh, hih mual kiangah, ‘Hih lai panin hua lai ah kin in,’ ci le-uhcin kin khia ding hi. Na hih theih loh uh khat zong om lo ding hi.

Mattiu 21:20

Nungzuite in a muh uh ciangin lamdang sa uh ahih manin, “Bang hangin theikung tua ci sih pah ahi hiam?” a cih uh ciangin

Mattiu 8:12

Ahi zongin vantung ki-ukna sungah a om dingin a kingaihsun Israel mite ahihleh pualam khuamialna ah kilawn khia dinga, tua lai ah kapin a hagawi ding uh hi,” a ci hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

Jeim 1:6

Ahi zongin na nget uh ciangin hong pia takpi ding hi, ci-in muanna tawh na ngen un. A muang lah mite pen huih nunna lam peuh ah a kinil kawikawi tuihualte tawh kibang lel hi.