Mattiu 21:19 - Tedim Bible Revision 2017

¹⁹ Lam gei ah theikung khat mu ahih manin a gei ah va pai a, ahi zongin a teh sim loh bangmah a mu kei hi. Jesu in tua theikung kiangah, “Gah ngei nawn kei in!” a cih khit phetin a theikung a si pah hi.

Tedim Bible

¹⁹ Lampi geiah theikung khat a muh ciangin a kiangah a va pai leh, a teh longal bangmah a mu kei hi. Zeisu in, “Tu-a kipan gah loin om tawntung in,” a cih ciangin theikung dinggaw pah hi.

Mattiu 21:19 Iomraidhean Croise

Isaiah 5:2

Amah in lei to-in a suangte paikhia a, leenggui hoihte a suan hi. A laizang ah tausang khat lam a, tua lo sungah leenggah sukna khuk khat a to hi. Amah in leenggah hoih a hong gah ding lamen a, ahih hangin gam leenggah hong gah mawk hi.

Jeremiah 8:13

“Topa in kong cih in ah, amaute ka susia khin dinga, a lote uh ah leenggah a om nawn kei ding hi. Thei in zong gah a nei nawn kei ding hi. A tehte nangawn keu dinga, amaute ka piak sa nate a bei ding uh hi.

Mattiu 21:20

Nungzuite in a muh uh ciangin lamdang sa uh ahih manin, “Bang hangin theikung tua ci sih pah ahi hiam?” a cih uh ciangin

Marka 11:14

Tua ciangin theikung kiangah, “Nang tung panin kuamah in theigah loin ne nawn kei tahen,” a ci hi. Hih thu, a nungzuite in a za uh hi.

Marka 11:20

A zingsang ciangin tua lampi mah zui-in a paikik ciangun tua theikung a zung dongin a sihna a mu uh hi.

Luka 3:9

Tu mahmah in sing a bulphuk dingin hei tawh kingim zo hi. Gah hoih a gah lo singkung khempeuh kiphukin meikhuk sungah kikhul ding hi,” a ci hi.

Johan 15:2

Amah in gah a nei lo ka hiang khempeuh sat khia a, gah a nei hiangte ahihleh a gah semsem theih nadingin a puah hi.

Johan 15:6

Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kaang tum hi.

2 TIMOTI NIHNA 3:5

biakna thu a puatham teng zui napi-in biakna hangin vangliatna thu a omte deih lo ding uh hi. Tua bangin a gamta mite na pelh in.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadah huai, a thumang lo, na hoih sem dingin a kilawmna a om lo mite ahi uh hi.

Juda 1:12

Noteʼ annek khopna ah zumna mel nei loin hong om gawp uh ahih manin hong siat suah uh a, amauʼ pumpi bek ngaihsun uh hi. Amaute pen cikmahin guah a zusak ngei lo, huih in a letkhiat mang meiipi, tuk hun laitak nangawnin a gah a gah lo, kizunglotin a keutum singkungte,

Mangmuhna 22:11

A gilo mite gilo lailai henla, a kihhuai gamtatte kihhuai gamtat lailai henla, a hoih gamtatte hoih gamtat lailai henla, a siangtho mite a siangtho mah hi lailai tahen!” hong ci hi.