Mattiu 21:15 - Tedim Bible Revision 2017

¹⁵ Ahi zongin siampi liante le Thukham hilh siate in a nalamdang bawlte mu-in, biakinn sungah naupangte in, “Davidʼ suan Jesu in phatna ngah tahen!” ci-in a kikona a zak uh ciangin heh uh ahih manin

Tedim Bible

¹⁵ Nalamdangte a bawl leh, naupangnote in, “David’ Tapa tungah Hosanna!” ci-in biakna innpi sungah kiko uh siampi liante leh laitheite in a zak uh ciangin, a heh uh hi.

Mattiu 21:15 Iomraidhean Croise

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute adingin na geel sa gimnate amaute thuaksak in. Na mite na itna thu na galte tungah kilangsak in.

Mattiu 20:24

Nungzui dang sawmte in hih thu a zak uh ciangin hih unau nihte tungah a heh uh hi.

Mattiu 21:23

Biakinn tual sungah Jesu lutkik a, thuhilhin a om laitakin siampi liante le upate ama kiangah hong pai uh a, “Hih nate kua thu tawh bawl a, na bawl nading kua in aana hong pia ahi hiam?” ci-in a dot uh ciangin

Mattiu 21:9

A mai-a pai mihonte le a nung a zui mihonte awng uh a, “Davidʼ suan Jesu in phatna ngah tahen! Topaʼ min tawh hong pai pa in thupha ngah tahen! A sangpen a om Pasian in phatna ngah tahen!” a ci uh hi.

Mattiu 22:42

“Note in Khris kua hi ci a, kuaʼ suan hi, ci-in ngaihsun na hi uh hiam?” ci-in a dong hi. Amaute in, “Davidʼ suan hi,” ci-in a dawng uh hi.

Mattiu 26:3

Tua ciangin siampi lianpen Kaiafas inn ah siampi liante le upate kikhawm uh a,

Mattiu 26:59

Siampi liante le uliante in Jesu a thah theih nadingun zuau teci a pang ding mi a zong uh hi.

Mattiu 27:1

A zingsang ciangin siampi liante le upate in Jesu a thah nading uh a vaihawm uh hi.

Mattiu 27:20

Barabbas khahin Jesu a thah nadingin Pilat kiangah a nget nadingun siampi liante le upate in mihonte a hanthawn uh hi.

Mattiu 9:27

Tua lai panin Jesu a paikhiat ciangin mittaw mi nih in a nungah hong zui-in nakpi takin kiko uh a, “Davidʼ suan Jesu aw, kote hong hehpih in,” ci-in a thum uh hi.

Marka 11:18

Siampi liante le Thukham hilh siate in hih thu a zak uh ciangin Jesu a thah theih nading uh lampi a zong uh hi. Ahi zongin mihonpi in ama thuhilhna lamdang sa uh ahih manin amaute in Jesu a kihta uh hi.

Luka 20:1

Ni khat, Jesu in biakinn tual sungah mite kiangah thu hilhin, Lungdamna Thu genin a om laitakin, siampi liante, Thukham hilh siate le upate hong pai khawm uh a,

Luka 22:2

Siampi liante le Thukham hilh siate in mihonpite kihta uh ahih manin kuama theih lohin Jesu a kithah theih nading lampi a zong uh hi.

Luka 22:66

Khua a vak ciangin upate, siampi liante le Thukham hilh siate hong kikhawm uh a, uliante mai ah Jesu hong kipaipih hi.

Johan 11:57

Bang hang hiam cih leh siampi liante le Farisi mite in Jesu a mat theih nadingun, “Jesu a omna a thei na om uh leh hong ko un,” ci-in thupiakna nei khinzo uh hi.

Johan 12:19

Tua ciangin Farisi mite khatlekhat kiho uh a, “Bangmah i cih zo het kei hi. En un, mi khempeuh in amah a zui khinta uh ahi hi,” a kici uh hi.

Johan 4:1

Jesu in Johan sangin mi tam ngah zaw in a tuiphumna thu Farisi mite in a za uh hi.

Johan 7:42

Khris i cih pen Davidʼ suan hi dinga, Davidʼ suahna Bethlehem khua ah suak ding hi, ci-in Lai Siangtho sungah kigelh hi lo ahi hiam?” a ci uh hi.