Mattiu 20:2 - Tedim Bible Revision 2017

² Ni tha ngeina ngun peek khat piak dingin a kithukim khit uh ciangin a leenggah lo ah na a sem dingin pawl khat a kuansak hi.

Tedim Bible

² Amah in, ‘Ni khatin peek khat hong pia ning, ci-in nasem dingte tawh a kiciam khit uh ciangin, leenggah lo-ah a sawl hi.

Mattiu 20:2 Iomraidhean Croise

1 KUMPI MASATE 18:12

Nang kiang panin kei ka paikhiat phetin ka theih lohna munah Topaʼ kha in nang hong pua ding hi. Kei va pai-in Ahab kiangah genin amah in nang hong muh loh ciangin, ka khangno lai a kipanin keimah na nasem pa in Topa a zahtak hi napi-in, amah in kei hong that ding hi.

2 KHANG TANGTHU NIHNATE 34:3

Ama uk a kum giatna sung, naupang ahi laipi mahin, amah in a pu Davidʼ Pasian zon ding kipan hi. A kum sawm le kum nihna ciangin amah in Judah le Jerusalem panin mual dawna biaknate, Asherah milimte le a kiseek le a kisung milimte beisiangsak ding kipan hi.

Thuhilh-sia 12:1

Na lungkham hun ding a hong tun ma, “Nuntak nuamsa kei ing,” na cih ma hun, na khangno lai-in nang hong Piangsak pa phawk in.

Mattiu 18:28

“Ahi zongin tua nasem pa a paikhiat ciangin ama sum ngun peek za khat khawng a ba a nasep pih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Mattiu 20:1

“Bang hang hiam cih leh vantung ki-ukna sung om zia pen a leenggah lo ah na a sem ding a cial dingin zing tungin a kuan khia leenggah lo nei pa tawh kibang hi.

Mattiu 20:13

Tua ciangin lo nei pa in amaute khat kiangah, ‘Lawm aw, nang ka hong khem het kei hi. Ni khat sung nasep thaman dingin ngun peek khat piak dingin na thukim sa hi lo ahi hiam?

Mattiu 20:3

Zingsang nai kua hun ciangin mihon omna sumbuk ah pai leuleu a, mi pawl khat bangmah sem loin a mawk om a muh ciangin,

Mattiu 20:9

Nitak nai nga hunin a kipan nasemte ngun peek khat ciat kipia hi.

Mattiu 22:19

Siahin na piak ding uh sum hong lak dih un,” a cih ciangin sumtang peek khat hong paipih uh hi.

Mattiu 9:37

Tua ahih manin a nungzuite kiangah, “Anlak ding tampi om napi-in anlak na a sem ding mi tawm bek a om hi.

Marka 12:15

Pia ding ihi hiam, pia lo ding ihi hiam?” ci-in a dong uh hi. Ahi zongin Jesu in amau lungsim tawng thei ahih manin, “Bang hangin kei hong thangsiah se na hi uh hiam? Ka et dingin dangka peek khat hong la dih un,” a ci hi.

Luka 1:15

Topaʼ muhna ah amah mi lian khat hi ding hi. Amah in leenggahzu ahi a, khamtheih zu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Luka 10:35

A zingsang ciangin zintun inn nei pa kiangah sum peek nih pia a, ‘Hih mipa limtakin na khoi in. Na beina dang khempeuh, kong paikik ciangin kong loh ding hi,’ ci hi.

Luka 20:24

“Sum peek khat hong lak dih un. Hih sum tunga om lim le min kua-aʼ ahi hiam?” a cih ciangin, “Kumpipaʼ lim le min hi,” ci-in a dawng uh hi.

2 TIMOTI NIHNA 3:15

Khris Jesu upna hangin hotkhiatna a hong ngahsak thei ding pilna a hong pia Lai Siangtho pen na neu tung a kipanin a thei sa na hihna thu zong na theih sa thu mah ahi hi.

Mangmuhna 6:6

Tua ganhing lite lak panin awging bang khat ka za a, “Mangbuh lawhta khat in ni khat tha man a, mangbuhham lawhta thum in ni khat tha mah man hi. Ahi zongin oliv huan le leenggui huan susia kei in,” a ci hi.

1 SAMUEL MASA 2:18

Samuel pen saihadial siampi puan silhin Topaʼ mai ah na a sem naupang khat ahi hi.

1 SAMUEL MASA 2:26

Tu-in naupang Samuel a pumpi khangin Topa le miteʼ maipha a ngah toto hi.

1 SAMUEL MASA 3:1

Tu-in Eliʼ khutnuai ah naupang Samuel in Topaʼ na sem hi. Tua hun lai-in Topa in thu gen mun lo a, maang mu om mun lo hi.

1 SAMUEL MASA 3:21

Tua ciangin Shiloh ah Topa kilangkik zelzel hi. Shiloh ah Topa mahmah Samuel tungah kilangin thu gen a, Samuel in mite tungah gen sawn hi. Tua ciangin Israel-te khempeuh in Samuelʼ thu a zui uh hi.