Mattiu 20:19 - Tedim Bible Revision 2017

¹⁹ Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihingkiksak ding hi,” ci-in a tuamin thu a hilh hi.

Tedim Bible

¹⁹ Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.

Mattiu 20:19 Iomraidhean Croise

JOB (Job) 30:8

Bangmahin a kimang lo hih bang misia honte, mite omna gam sung panin a kihawl khia hi.

Late 35:16

Zahtakna mel nei het loin kei hong zahko niloh uh a, a ha uh hong gawi san uh hi.

Isaiah 26:19

Nangma mi a si sate hingkik ding uh a, amauʼ pumpi thokik ding hi. Han sungah a lum mite aw, tho-in lungdamin la sa un! Bang hang hiam cih leh zing daitui in leitung a nosakkik bangin sawtpi a a si sa mite Topa in hingkiksak ding hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Hosea 6:2

Ni nih sungin eite hong thahatsak dinga, ni thum sungin i ngei hong bangsak ding hi. Tua ciangin amah tawh i kikhawl ding hi.

Mattiu 12:40

Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.

Mattiu 16:21

Tua hun a kipanin Jesu in a nungzuite kiangah, “Jerusalem khua ah ka pai ding hi. Upate, siampi liante le Thukham hilh siate tung panin gimna tampi ka thuak ding hi. Kei hong kithat dinga, ni thum ni-in hong kihingkiksak ding hi,” ci-in teltakin gen a kipan hi.

Mattiu 17:23

mite in a that ding uh hi. Ahi zongin a ni thum ni-in kihingkiksak ding hi,” a ci hi. Tua thu a zak uh ciangin nungzuite a dah mahmah uh hi.

Mattiu 27:26

Tua ciangin amauteʼ deihna bangin Barabbas khah a, Jesu ahihleh a sat khit ciangin singlamteh tungah thah dingin a pia khia hi.

Mattiu 27:63

“Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.

Marka 14:65

Tua ciangin mi pawl khat in cilphih uh a, a mai tunsakin beeng uh a, “Kua in hong beng ahi hiam, gen in,” a ci uh hi. Palikte in zong amah paipihin a beeng uh hi.

Marka 15:1

A zingsang ciangin siampi liante in upate, Thukham hilh siate le ulian dang khempeuh tawh thu kikupna khat nei uh a, Jesu a hen khit uh ciangin paikhiat pihin Pilat tungah a ap uh hi.

Marka 15:15

Pilat in mihonte lungkimsak nuam ahih manin Barabbas khah a, Jesu a satsak khit ciangin singlamteh tungah thah dingin galkapteʼ khut sungah a ap hi.

Luka 18:32

Pasian in Gentail miteʼ khut sungah amah ap dinga, amaute in zahpihin, simmawhin, cilphih ding uh hi.

Luka 23:11

Tua ciangin Herod le galkapte in Jesu zahko-in simmawh bawl uh a, kumpi puan tualpi a silhsak khit uh ciangin Pilat kiangah a puakkik uh hi.

Luka 24:46

amaute kiangah, “Khris in sihna thuakin, a ni thum ni-in sihna panin hingkik dinga,

Sawltak 2:23

Pasian in thu a ma-theih kholhna le a ma-geelna tawh kizui-in noteʼ khut sungah tua Jesu a hong piak ding a ngaihsut sa hi a, note in singlamteh tungah khai-in migiloteʼ khut tawh amah na that uh hi.

Sawltak 21:11

Koteʼ kiangah amah hong pai-in Paulʼ kawnggak hong laksak a, tua kawnggak tawh ama khut le a khete a gakcip khit ciangin, “Kha Siangtho in, ‘Jerusalem khua sungah hih bangin Jew mite in hih kawnggak nei pa hencip dinga, Gentail miteʼ khut sungah pia ding hi,’ ci hi,” a hong ci hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khris dingin na bawl, a siangtho na Nasem pa Jesu thah dingin a vaihawm uh hi.