Mattiu 2:4 - Tedim Bible Revision 2017

⁴ Tua ahih manin Herod in siampi liante le Thukham hilh siate khempeuh kaikhawm a, “Koi lai ah Khris suak ding ahi hiam?” ci-in a dong hi.

Tedim Bible

⁴ Pasian siampi leh laithei upa teng khawm a, “Khazih in koi lai-ah suak ding ahi hiam?” ci-in a dong hi.

Mattiu 2:4 Iomraidhean Croise

2 KHANG TANGTHU NIHNATE 34:13

van gik puate a uk le nasep namkim a sem khempeuh a makaih uh hi. Tua ciangin Levi mi pawl khatte pen laigelhte le zaneite le kulh kongpi cingte ahi hi.

2 KHANG TANGTHU NIHNATE 34:15

Tua ciangin Hilkiah in lai-at pa Shafan kiangah, “Topaʼ biakinn sungah thukham laibu ka mu hi,” ci hi. Tua ciangin Hilkiah in Shafan tungah a laibu pia hi.

2 KHANG TANGTHU NIHNATE 36:14

A makai siampite le mi khempeuh zong tua bangmahin citak lo mahmah uh a, minam dangteʼ kihhuainate zui uh hi. Amah in Jerusalem ah a siangtho-in a koih Topaʼ biakinn amaute in ninsak uh hi.

Ezra 10:5

Tua ciangin Ezra dingin, a kigen sa bangin amaute a gamtat nadingun a kiciam dingin siampi makaite, Levi mite le Israel mi khempeuh sawl a, amaute zong a kiciam pah uh hi.

Ezra 7:6

hih Ezra pen Babylon panin hong tung to hi. Amah pen Israel Pasian, Topa in a piak Moses thukham a siam lai thei mi khat ahi hi. Topa ahi ama Pasian in ompih ahih manin ama nget khempeuh kumpipa in a pia hi.

Nehemiah 12:7

Sallu, Amok, Hikiah le Jedaiah te ahi uh hi. Hihte pen Jeshua hun lai-in siampite le a sanggamte uh lakah a ukpite ahi uh hi.

Late 2:2

Leitung kumpite le gam ukte in Topa le ama sathau nilh pa langpangin vaihawm uh a,

Jeremiah 8:8

Bangci bangin note in, ‘Ko ka pil uh a, Topaʼ thukham ka nei uh hi,’ ci thei ding na hi uh hiam? En un, thuman lo lai theite in tua thukham zuau thu a suah uh hi.

Malakhi 2:7

Siampiteʼ nasep pen Pasian a manin theih nading a hilh ding uh ahi hi. Amaute pen, Vanglian Topaʼ kamtaite ahih manun, mite in keima deihna a theih nadingun amauteʼ tungah thu a dot ding uh ahi hi.

Mattiu 13:52

Tua ciangin Jesu in amaute kiangah, “Vantung ki-ukna sungah a hong lut Thukham hilh siate khempeuh pen, a sumkholna panin a thak le a lui, a ututin a la khia thei ziauziau sum nei pa tawh kibang uh hi,” a ci hi.

Mattiu 2:3

Kumpi Herod in hih thu a zak ciangin lamdang sa mahmah a, Jerusalem khuami khempeuh in zong lamdang a sa ciat uh hi.

Mattiu 2:5

Amaute in, “Kamsang pa in a lai gelhna sungah, ‘Judah gamah a om Bethlehem khua aw, ka mi Israel-te a uk dingin nangma sung panin ukpa khat hong piang ding ahih manin Judah gam a uk khuate lakah a neu na hi het kei hi,’ ci ahih manin Judea gam sung Bethlehem khua ah suak ding hi,” ci-in a dawng uh hi.

Mattiu 21:15

Ahi zongin siampi liante le Thukham hilh siate in a nalamdang bawlte mu-in, biakinn sungah naupangte in, “Davidʼ suan Jesu in phatna ngah tahen!” ci-in a kikona a zak uh ciangin heh uh ahih manin

Mattiu 21:23

Biakinn tual sungah Jesu lutkik a, thuhilhin a om laitakin siampi liante le upate ama kiangah hong pai uh a, “Hih nate kua thu tawh bawl a, na bawl nading kua in aana hong pia ahi hiam?” ci-in a dot uh ciangin

Mattiu 26:3

Tua ciangin siampi lianpen Kaiafas inn ah siampi liante le upate kikhawm uh a,

Mattiu 26:47

Tua bangin Jesu in thu a gen laitakin sawm le nihte sung panin Judas hong tung a, siampi liante le upate in a hong sawl, namsau le molhtum a tawi mihonpi tawh hong tonkhawm hi.

Mattiu 27:1

A zingsang ciangin siampi liante le upate in Jesu a thah nading uh a vaihawm uh hi.

Mattiu 7:29

Amah in Thukham hilh siate bangin thu gen loin, aana neite bangin thu a gen zaw hi.

Marka 8:31

Tua ciangin Jesu in, “Mihing Tapa in tampi tak thuak ding hi; upate, siampi liante le Thukham hilh siate in amah nial ding uh hi. Amah kithat dinga, ni thum khit ciangin hingkik ding hi,” ci-in a nungzuite hilh ding a kipan hi.

Luka 20:19

Jesu in hih thu gentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesu man pah nuam uh hi; ahi zongin mihonte kihta uh ahih manin man pah ngam lo uh hi.

Luka 23:10

Siampi liante le Thukham hilh siate in hong neh uh a, Jesu mawhsakna thu nakpi takin hong gen uh hi.

Johan 18:3

Tua ahih manin Judas zong, siampi liante le Farisi mite in a sawl galkap hon khat le biakinn cing palik pawl khat tawh hiam tawi-in lalcin leh meilah de-in tua huanah a hong pai uh hi.

Johan 3:10

Jesu in, “Israel miteʼ sia hi napi-in hih thu theithei lo na hi hiam?

Johan 7:32

Hih bangin mihonpite a kihona thu Farisi mite in za uh ahih manin amaute le siampi liante in Jesu a man dingin biakinn cing palikte pawl khat a sawl uh hi.

Johan 8:3

Tua laitakin Thukham hilh siate le Farisi mite in pasal tawh a mawh laitakin a kiman numei khat hong paipih uh a, amaute mai ah a dingsak uh hi.

Sawltak 23:9

Amauʼ kitotna awging hupha semsem a, Farisi mite pawl sung a om Thukham hilh siate pawl khat hong dingin nakpi takin hong pau uh a, “Hih mipa tungah khialhna them khat zong om lo hi. Vantungmi ahi a, Pasianʼ sawl khat peuhpeuh in ahi zongin ama tungah thu a gen hi kha thei ding hi,” a ci uh hi.

Sawltak 4:5

A zing ciangin Jew mi makaite, upate le Thukham hilh siate, Jerusalem ah hong kikhawm uh hi.

Sawltak 6:12

Amaute in hih bangin zuauna tawh mihonte, upate le Thukham hilh siate a holhthawh uh hi. Tua ahih manin amaute hong pai-in Stefen man uh a, uliante mai ah a hong paipih uh hi.