Mattiu 2:2 - Tedim Bible Revision 2017

² “Jew miteʼ kumpi ding ahi naungek a hong suak pen koi lai ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Tedim Bible

² Ni suahna gam lam pan ama aksi ka mu zo uh hi. A bia dinginah ka hong pai uh hi,” ci-in a dong uh hi.

Mattiu 2:2 Iomraidhean Croise

Late 2:6

“Ka mual siangtho Zion tungah ka kumpi ka tusak khin hi,” ci hi.

Late 45:11

Na melhoihna hangin kumpipa in hong deih ding hi. Na topa ahih ciangin ama mai ah kun in.

Isaiah 60:3

Nangma khuavak sungah minam dangte hong pai ding uh a, nangma taan khiatna sungah kumpite hong pai ding uh hi.

Jeremiah 23:5

“En un, Topa in kong cih in ah, keimah in Davidʼ suan lak panin kumpi dingin a dik tat mi khat ka khan khiatsak ni hong tung ding hi. Amah gam uk siam mahmah dinga, gam sungah thuman thutang tawh thu hong khen ding hi.

Jeremiah 30:9

Topa, amauʼ Pasianʼ na ahi a, amauteʼ kumpipa-in ka koih ding Davidʼ na ahi zongin a sem zaw ding uh hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Gamlak-vakna 24:17

Amah ka mu hi; ahih hangin tu nai hun hi lo hi: Jakob sung pan aksi khat hong suak khia dinga, Israel sung pan kumpi ciangkhut hong piang ding hi. Tua in Moab thaltang satkham dinga, Shethʼ suante khempeuh su gawp ding hi.

Mattiu 2:3

Kumpi Herod in hih thu a zak ciangin lamdang sa mahmah a, Jerusalem khuami khempeuh in zong lamdang a sa ciat uh hi.

Mattiu 21:5

Tua a genna ah, “En un, na kumpipa uh hong pai hi. Kiniamkhiatna tawh lapi tung le la no tungah tuangin hong pai hi, ci-in Zion khua mite kiangah gen un,” a ci hi.

Mattiu 27:11

Tu-in gam ukpa Pilat mai ah Jesu kidingsak ahih manin amah in, “Nang, Jew miteʼ Kumpipa na hi hiam?” ci-in a dot ciangin Jesu in, “Nang zong tua mah nong ci hi,” ci-in a dawng hi.

Luka 19:38

“Pasian in Topaʼ tangin a hong pai kumpipa, thupha pia tahen. Vantungah nopna om henla, Pasianʼ min thang tahen,” ci-in a awng uh hi.

Luka 2:11

Tu ni-in David khuapi sungah, note a hong hon khia ding Khris Topa a suak hi.

Luka 23:3

Tua ciangin Pilat in, “Nang, Jew miteʼ kumpipa na hi hiam?” ci-in a dot ciangin, “Nang zong tua mah nong ci hi,” ci-in a dawng hi.

Luka 23:38

“Jew Miteʼ Kumpipa hi,” ci-in a kigelh lai zong ama tung sanah kisuang hi.

Johan 1:49

Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

Johan 12:13

Tua ahih manin amah a dawn dingin Jerusalem panin mihonpi pai khia-in nisuh hiangte tawi kawmin, “Pasian phat un! Pasian in Topaʼ min tawh hong pai pa thupha pia tahen! Pasian in Israel Kumpipa thupha pia tahen!” ci-in a kiko uh hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 19:19

Pilat in lai khat gelhsakin, “Jew miteʼ Kumpipa, Nazareth khuami Jesu,” cisak a, singlamteh tungah a suangsak hi.

Johan 20:28

Thomas in zong, “Ka Topa, ka Pasian!” ci-in a dawn ciangin

Johan 9:38

amah in, “Topa aw, ka hong um hi,” ci-in Jesu a bia hi.

Hebru 1:6

Tua banah, Pasian in leitungah a Tapa neihsun hong paisak ding ciangin, “Pasianʼ vantungmi khempeuh in amah bia ding uh hi,” na ci hi.

Mangmuhna 22:16

“Keimah Jesu in pawlpite adingin hih thute nang kiangah a hong gen dingin ka vantungmi ka hong sawl hi. Kei pen Davidʼ zung le a suan ahi, zingsol ka hi hi,” a hong ci hi.