Mattiu 2:19 - Tedim Bible Revision 2017

¹⁹ Herod a sih khit ciangin Egypt gam a om Josef kiangah Topaʼ vantungmi khat hong kilang a,

Tedim Bible

¹⁹ Herod kumpipa a sih khit ciangin Izipt gamah Josef’ mang sungah Pasian’ vantungmi khat kilang kik a,

Mattiu 2:19 Iomraidhean Croise

Late 139:7

Nangmah a pelh dingin koi ah pai dinga, nangma omna panin koi lai ah tai khia ding ka hi hiam?

Late 76:10

Mihingteʼ hehna in nang hong kiphatna ding piangsak dinga, na hehna panin a suakta mite in nangmah pahtawina pawi a bawl ding uh hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Jeremiah 30:10

“Tua ahih manin Topa in kong cih in ah: Ka nasem pa Jakobʼ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong hon khia dinga, na suan na khakte uh a saltanna uh panin ka hon khia ding hi. Jakobʼ suante hong ciah ding uh a, nuam takin a tengkik ding uh hi. Kuamah in amaute a lausak nawn kei ding hi.

Ezekiel 11:16

Tua ahih ciangin na salpihte kiangah hih bangin keima thugente va gen sawn in: A gamlapi gamah a teeng dingin pua khia-in, gam dangah a thehthang pa pen keimah ka hi hi. Ahi zongin amauteʼ omna gam dangah tawl khat sung bek kei a hong bia dingin ka omsak hi.

Daniel 11:45

Amah in a kumpi puanbuk lianpite biakinn dinna mual tung le tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi,” a hong ci hi.

Daniel 8:25

A lungsim daplan lua ahih manin zuauphuah siamna tawh a hih khempeuh a tangtun ding hi. Amah kiliansak lua-in theih kholh lohin mi tampi susia-in, a lian pen kumpiteʼ kumpipa nangawn a langpan ding hi. Ahih hangin mihing thahatna kizang loin amah a kisusia ding hi.

Mattiu 1:20

Ahi zongin hih bangin thu a ngaihsut laitakin a mang sungah Topaʼ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah teenpih ngam lah kei in.

Mattiu 2:20

“Naupang a that nuam mite si khinta ahih ciangin kithawi inla, naupang le a nu tawh Israel gamah ciah un,” a ci hi.

Mattiu 2:22

Ahi zongin Arkhelaus in a pa Herodʼ za laihin Judea gam uk mahin a omna thu a zak ciangin tua gamah Josef ciah ngam lo hi. Tua ahih manin a mang sung mahah a kihilna bangin Galilee gam sungah lutin,

Mattiu 27:19

Tua banah, thukhen zumah thusitin a om hunsung mahun, a zi in thu zasak a, “Tu zan ka mang sungin ama hangin nakpi takin gimna thuak ka hih manin, mawhna nei lo tua mipa bangmah cih kha kei in,” a ci hi.

Sawltak 5:19

Ahi zongin tua zanin Topaʼ vantungmi khat in thong kongkhakte hong a, sawltakte a paikhiatpih khit ciangin amaute kiangah,