Mattiu 2:15 - Tedim Bible Revision 2017

¹⁵ Herod a sih hun ciang dong tua gamah a va om uh hi. Kamsang pa tungtawnin Topa in, “Egypt gam panin ka Tapa ka sam khia hi,” ci-in a genna thu a tun nadingin hih bangin a piang ahi hi.

Tedim Bible

¹⁵ Herod kumpipa a sih matengin tua gamah a va om hi. Tua bang va omna in Pasian in a kamsangpa tungah, “Ka tapa Izipt gam panin ka sam zo hi,” ci-a a genkholhsa thu a tun’ nading hi.

Mattiu 2:15 Iomraidhean Croise

Paikhiatna 4:22

Nangmah in Faroʼ kiangah, ‘Topa in hih bangin ci hi: Israel pen ka tapa a suak masa hi a,

Hosea 11:1

Israel a neu lai-in ka it mahmah a, Egypt gam panin ka tapa ka sam khia hi.

Gamlak-vakna 24:8

Pasian in Egypt gam panin amaute paikhiatpih a, gamsial bangin amaute thahat uh hi. Amaute in a gal uh ahi minam dangte su gawp ding uh a, amauʼ guhte suzan gawp ding uh a, a thaltang uh tawh amaute kap let ding uh hi.

Mattiu 1:22

Topa in kamsang pa tungtawnin a gen sa thu a tun theih nadingin hih thute a piang ahi hi. Tua a genna ah,

Mattiu 2:14

Josef zong kithawi pah a, Egypt gam a zuan dingin naungek le a nu tawh zanpi mahin ding khia uh a,

Mattiu 2:17

Hih bangin thu hong pian ciangin kamsang pa Jeremiah in,

Mattiu 2:19

Herod a sih khit ciangin Egypt gam a om Josef kiangah Topaʼ vantungmi khat hong kilang a,

Mattiu 2:23

Nazareth khua ah a teeng uh hi. Kamsangte in, “Amah pen Nazareth khuami kici ding hi,” ci-in a gen kholhna a tun nadingin hih bangin a piang ahi hi.

Mattiu 21:4

Hih thu pen kamsang paʼ thugenna a tun nadingin a piang ahi hi.

Mattiu 26:54

Tua bangin kivaikhak hi zenzen leh Lai Siangtho in tu-a bangin a pian nading a gen pen bangci tun theih ding ahi hiam?” a ci hi.

Mattiu 26:56

Ahi zongin Lai Siangtho sungah kamsangteʼ thugente a tun theih nadingin hih bangin a hong gamta na hi uh hi,” a ci hi. Tua ciangin a nungzuite khempeuh in Jesu nusia-in a taisan uh hi.

Mattiu 27:35

Singlamteh tungah Jesu a khai khit uh ciangin a puante kua in a koi ngah ding cih a theih nadingun suang lawnin ai san uh a, a puan teng a hawm uh hi.

Mattiu 8:17

Kamsang Isaiah in, “Amah in eiteʼ natna teng thuakin, eiteʼ gimna teng pua khia hi,” ci-in a genna thu a tun nadingin hih bang a piang ahi hi.

Luka 24:44

Tua ciangin Jesu in amaute kiangah, “Tu-a thupiang khempeuh pen note tawh kong om khawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Johan 19:28

Tua hun ciangin Jesu in na khempeuh kicing ta hi, ci-in thei ahih manin Lai Siangtho sungah a kigelh thu a tun theih nadingin, “Ka dangtak hi,” a ci hi.

Johan 19:36

Lai Siangtho sungah, “Ama guhte khat zong kitan lo ding hi,” ci-in a genna thu a tun theih nadingin hih bangin a piang ahi hi.

Sawltak 1:16

“Lawmte aw, Jesu a mante lam a lak Judas thu, Kha Siangtho in Davidʼ kam panin a gen kholhna Lai Siangtho sung thu a tun ding kisam hi.