Mattiu 2:13 - Tedim Bible Revision 2017

¹³ Tua mipilte a ciah khit uh ciangin Josefʼ mang sungah Topaʼ vantungmi khat hong kilang a, “Kithawi-in naungek le a nu, Egypt gamah taipih in. Pai khia un, ci-in kong genkik matengin tua gamah va om un. Herod in naungek thah dingin hong zong ding hi,” a ci hi.

Tedim Bible

¹³ Tua mite a pai khit uh ciangin Pasian’ vantungmi khat in Josef’ mang sungah kilang a, “Tho in, naupangno leh a nu sam in la, Izipt gamah taipih in. Ka hong hilh kik matengin tua gamah va om in. Herod kumpipa in naupang that nuamin a zong ding hi,” a ci hi.

Mattiu 2:13 Iomraidhean Croise

1 KUMPI MASATE 11:17

Ahih hangin Hadad naupang no ahih lai-in, a paʼ nasem Edom mite pawl khat tawh Egypt ah a tai hi.

1 KUMPI MASATE 3:5

Gibeon ah zanin mang sungah Solomonʼ tungah Topa kilang hi. Pasian in, “Nang kong piak ding hong ngen in,” a ci hi.

JOB (Job) 33:15

Zanin mite a ihmut ciangin, mang le maangmuhna sungah Pasian in thu a gen hi.

JOB (Job) 33:17

Mite in khialhna a bawl nawn lohna ding, mi kiphasakte a suahkhak loh nading, Pasian in a deihna hangin mite kiangah thu a gen hi.

Paikhiatna 1:22

Tua ciangin Faro in a mipihte khempeuh thu pia a, “Hebru mite sung panin tapa a suak khempeuh Nail gun sungah na khia ding uh a, ahi zongin tanu khempeuh na nungtasak ding uh hi,” a ci hi.

Mattiu 1:20

Ahi zongin hih bangin thu a ngaihsut laitakin a mang sungah Topaʼ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah teenpih ngam lah kei in.

Mattiu 10:23

Khua khat ah note hong kibawlsiat leh khua dang khat ah tai un. Note kiangah kong genin ah: Israel khua khempeuh na khit ma-un Mihing Tapa hong pai ding hi.

Mattiu 2:12

Herod kiangah a kihilkik loh nadingun a mang sung uh ah Pasian in hilh ahih manin, lampi dang tawnin a gam uh ah a ciahkik uh hi.

Mattiu 2:14

Josef zong kithawi pah a, Egypt gam a zuan dingin naungek le a nu tawh zanpi mahin ding khia uh a,

Mattiu 2:16

Nisuahna lam panin a hong pai mipilte in amah a khem lamtak Herod in a theih ciangin a heh suak mahmah hi. Tua mipilte tung panin aksi a kilat hun a dotna tawh kizui-in, Bethlehem khua le a kiim a om naungek kum nih ciang le a nuaisiah khempeuh a that dingin a galkapte a sawl hi.

Mattiu 2:22

Ahi zongin Arkhelaus in a pa Herodʼ za laihin Judea gam uk mahin a omna thu a zak ciangin tua gamah Josef ciah ngam lo hi. Tua ahih manin a mang sung mahah a kihilna bangin Galilee gam sungah lutin,

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zak theih nadingin a inn ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Sawltak 10:7

Tua khit ciangin ama kiangah thu a gen vantungmi paikhia a, Kornelias in zong ama inn sung nasemte nih le biakna a hahkat mahmah, ama sawltakin a neih galkapte khat sam a,

Sawltak 12:11

Tua ciangin Peter in khua phawk a, “Maang a mu ka kisak leh a takpi na hi mawk! Topa in a vantungmi kei kiangah hong sawl a, Herod in hong gimsak nading le Jew mite in gimna hong thuaksak nading panin kei hong hon khia hi,” a ci hi.

Sawltak 12:7

Thakhatthu-in Peter gei ah Topaʼ vantungmi khat hong omin thong sung khempeuh khua a vak hi. Vantungmi in Peterʼ liangko lokin phong a, “Manlangin tho in,” a ci hi. Thakhatin Peterʼ khut panin a sikkhaute kitol khia hi.

Sawltak 16:36

Tua ahih manin thongcing pa in zong Paul kiangah, “Thukhen uliante in nang le Silas kong khah nading uh thu hong pia khin ahih manin lungnuam takin na ciah khia thei ta ding uh hi,” a ci hi.

Sawltak 5:19

Ahi zongin tua zanin Topaʼ vantungmi khat in thong kongkhakte hong a, sawltakte a paikhiatpih khit ciangin amaute kiangah,

Sawltak 7:19

I mipihte na khem gawpin na khelbawl a, a ta ngeekte uh a sih nadingin inn panin mun dangah a koih khiasak hi.

Joshua 3:13

Leitung buppiʼ Topa ahi Topaʼ Thuciamna Singkuang a pua siampiteʼ khete in Jordan tui a sik ciangin Jordan tuite luang nawn lo dinga, a tung lam panin hong luang suk tuite lom khatin khawl ding hi,” a ci hi.

Joshua 3:17

Israel-te khempeuh lei keu tungah a gal kah sung, minam bup in Jordan a khen khit mateng, Topaʼ Thuciamna Singkuang a pua siampite Jordan gun laizang lei keu tungah ding uh hi.

Joshua 4:10

Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiak khempeuh a vekpi-in a kiman khit matengin Jordan laizang ah Thuciamna Singkuang a pua siampite a ding uh hi. Mite nawhsa-in gal kah uh hi.

Joshua 4:18

Topaʼ Thuciamna Singkuang a pua siampite Jordan laizang panin hong pai khia-in, siampiteʼ khe lei keu tungah hong om toh ciangin, a ngeina bangin amauʼ munah Jordan tuite hong luangkikin a piau khempeuh a tuum hi.

Mangmuhna 12:14

Ahi zongin tua gulpi in a sukkhak theih loh nadingin kum thum le alang sung gamlak ah a kikep nading munah a leentheih nadingin muvanlai gol mahmahteʼ kha tawh a kibang kha nih tua numei a kiguan hi.

Mangmuhna 12:4

A mei tawh vanah a om aksi seh thum suah seh khat vat khia-in leilak a denna hi. A nau a suah phetin a ne pah dingin nausuak dingin a kithawi tua numeiʼ mai ah a ding hi.

Mangmuhna 12:6

A numei pen Pasian in ama adingin a bawl kholhsakna mun gamlak ah tai a, tua munah ni tul khat za nih sawm guk sung kikhoi ding hi.