Mattiu 2:12 - Tedim Bible Revision 2017

¹² Herod kiangah a kihilkik loh nadingun a mang sung uh ah Pasian in hilh ahih manin, lampi dang tawnin a gam uh ah a ciahkik uh hi.

Tedim Bible

¹² Tua nung ciangin Herod kumpipa kiangah a pai nawn loh nadingun a mang sung uhah thu kipiakna bangin, amaute khua-ah ciah dingin lampi dang a tawn uh hi.

Mattiu 2:12 Iomraidhean Croise

Piancilna 31:24

Ahih hangin Aram mi Laban kiangah zanin mang sungah Pasian hong pai-in ama kiangah, “Jakobʼ tungah a pha hitaleh a sia hitaleh kam khat beek na pau loh nadingin kidawm in,” a ci hi.

Paikhiatna 1:17

Ahih hangin naudomte in Pasian zahtak uh hi. Egypt kumpipa in amaute a thupiak bangin gamta lo uh a, nau pasalte nungtasak uh hi.

Daniel 2:19

Tua ciangin tua zan sungin maangmuhna tawh tua thuthukpi Danielʼ tungah kihilh a, amah in vantung Pasianʼ min a phat hi.

Mattiu 1:20

Ahi zongin hih bangin thu a ngaihsut laitakin a mang sungah Topaʼ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah teenpih ngam lah kei in.

Mattiu 2:13

Tua mipilte a ciah khit uh ciangin Josefʼ mang sungah Topaʼ vantungmi khat hong kilang a, “Kithawi-in naungek le a nu, Egypt gamah taipih in. Pai khia un, ci-in kong genkik matengin tua gamah va om un. Herod in naungek thah dingin hong zong ding hi,” a ci hi.

Mattiu 2:19

Herod a sih khit ciangin Egypt gam a om Josef kiangah Topaʼ vantungmi khat hong kilang a,

Mattiu 2:22

Ahi zongin Arkhelaus in a pa Herodʼ za laihin Judea gam uk mahin a omna thu a zak ciangin tua gamah Josef ciah ngam lo hi. Tua ahih manin a mang sung mahah a kihilna bangin Galilee gam sungah lutin,

Mattiu 27:19

Tua banah, thukhen zumah thusitin a om hunsung mahun, a zi in thu zasak a, “Tu zan ka mang sungin ama hangin nakpi takin gimna thuak ka hih manin, mawhna nei lo tua mipa bangmah cih kha kei in,” a ci hi.

Luka 2:26

Topaʼ hong ciam sa Khris a muh matengin a sih loh nading thu zong ama tungah Kha Siangtho in na gen khin hi.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zak theih nadingin a inn ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Sawltak 4:19

Ahi zongin Peter le Johan in, “Noteʼ thu man zawk ding le Pasianʼ thu man zawk ding, Pasianʼ muhna panin koi pen man zaw ding cih thu nomau mah in zong ngaihsun ciat un.

Sawltak 5:29

Ahi zongin Peter le sawltak dangte in, “Miteʼ thu sangin Pasianʼ thu ka mang zaw ding uh hi.

1 KORIN MASA 3:19

Hih leitung mite in pilna hi, ci-in a ngaihsutte, Pasian adingin a haihuai thu ahi hi. Bang hang hiam cih leh Lai Siangtho in, “Mipilte amauʼ ngian mahah awksak hi,” a na ci hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasianʼ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Hebru 8:5

Leitung a siampiteʼ sepsepte pen vantungah a om thu, a limin a sem uh ahi hi. Bang hang hiam cih leh Moses in Puanbuk lam ding a kipat ciangin Pasian in, “Mual tungah i om lai-in a lim ding khempeuh kong lah bang teekteekin a kihih nadingin na thei in,” na ci hi.