Mattiu 2:11 - Tedim Bible Revision 2017

¹¹ Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a van puakte uh suah khia uh a, kham, saledi paknamtui le myrrh paknamtuite, letsongin a pia uh hi.

Tedim Bible

¹¹ inn sungah a lut uh leh, naupang leh a nu Mari a muh uh ciangin a bia uh hi. Amau van a suah khit uh ciangin kham leh paknamtui leh mirrah a pia uh hi.

Mattiu 2:11 Iomraidhean Croise

Piancilna 43:11

Tua ciangin a pa uh Israel in amaute kiangah, “A tua ci bang ding ahihleh hih bangin gamta un: Gam sunga singgah limci pente pua unla, mipaʼ tungah letsongin lingsi tawm, khuaizu tawm, singnai, myrrh paknamtui, pistakhio gah le almond gahte puak suk un.

1 KUMPI MASATE 10:10

Tua ciangin amah in kumpipa tungah kham talen za le sawm nih le a namtui nate tampi tak le suang manphate a pia hi. Sheba kumpinu in Kumpi Solomon tungah a piak hih banga a tam a namtui nate hong pai ngei nawn lo hi.

1 KUMPI MASATE 10:2

Amah nungzui honpi, a namtui nate a pua kalaohte, kham tampi le suangmanpha tampi tawh Jerusalem ah hong pai a, Solomonʼ kiangah a tun ciangin amah in a lungsim a om khempeuh Solomon tungah a gen hi.

Late 45:8

na puan tualpite myrrh paknamtui, aloes paknamtui, le thalsing namtuite a nam hi. Saiha tawh kibawl innpite panin khausai lasaknate in nang hong lungdamsak a,

Late 72:10

Tarshish kumpite le tuikulh neu-a kumpite in ama tungah siah pia uh henla, Sheba le Seba kumpite in letsong puak ta uh hen.

Late 72:15

Amah a khansau henla, Sheba gam a khamte ama tungah kipia tahen. Ama adingin thu kingetsak tawntung henla, sun thapai-in ama adingin thupha kingetsak tahen.

Late 95:6

Hong pai un, amah bia-in kun ni. Eite hong Bawl Topaʼ mai ah khukdin ni.

Paikhiatna 30:23

“A hoih pen a namtui nate la in. Myrrh paknamtui shekel za nga le a namtui thaksing tua zah lang, shekel za nih le sawm nga a gik le a khum a namtui paknamtui za nih le sawm nga,

Paikhiatna 30:34

Topa in Moses kiangah, “A namtui nate, stakte, onikha le galbanum, paknamtui citak tawh a namtui nate (a tamna a kikim ciatin) la inla,

Solomon la 3:6

Myrrh paknamtui le saledi paknamtui a kihel tawh a kibang, sumbuk a paknamtui om khempeuh a kihal khin a khu tawh a kibang, gamlak a hong khu to henhan bang ahi hiam?

Isaiah 60:6

Midian mite le Efah miteʼ kalaoh note, kalaoh honpite in nang hong tuam ding uh a, Sheba gam sunga om khempeuh hong pai ding uh hi. Amaute in kham le paknamtui hong paipih ding uh a, Topa phatna a taangko ding uh hi.

Siampi Laibu 6:15

Mi khat in, biakna tau tungah a om an tawh biakna annel khut dim khat, a sathau le a paknamtui khempeuh tawh la-in, Topa adingin a gim namtui, phawkna-in biakna tau tungah hal ding hi.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Gamlak-vakna 7:14

shekel sawm a gik kham pakan khat, paknamtui a dim tawh;

Gamlak-vakna 7:86

Paknamtui tawh a kidim kham pakan sawm le nihte, biakinn shekel tawh kizui-in khat ciangin shekel sawm gik a, kham pakan khempeuh pen shekel za le sawm nih gik hi.

Mattiu 1:18

Jesu Khris a hong suahna zia hih bang ahi hi. Mary pen Josef adingin zuthawl piak sa hi a, ahi zongin a kiteen taktak ma-un Kha Siangtho in amah a gaisakna thu Mary in a thei hi.

Mattiu 12:46

Tua bangin mite kiangah thu genin a om laitakin a pua lamah a nu le a naute in Jesu hopih nuamin a om uh hi.

Mattiu 14:33

Tua ciangin gunkuang sungah a om nungzuite in Jesu bia uh a, “Pasianʼ Tapa taktak na hi hi,” ci-in a gen uh hi.

Mattiu 2:10

Tua aksi a muh uh ciangin a lungdamna uh kigen thei lo hi.

Mattiu 2:2

“Jew miteʼ kumpi ding ahi naungek a hong suak pen koi lai ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Luka 2:16

Amaute nawhpai mahmah uh a, Mary le Josef le gan annekna kuang sungah a kisial naungek a mu pah uh hi.

Luka 2:38

Tua bangin Jesu a ki-ap hun laitakin hih kamsangnu hong pai-in Pasian tungah lungdamna ko a, Jerusalem a suahtak nading lamenin a ngak mi khempeuh tungah hih naungekʼ thu a gen hi.

Johan 19:39

Jesu kiangah a zan hawh ngei Nikodemas zong hong pai a, Jesuʼ luang a siat loh nadingin a bawl nading myrrh le aloes paknamtui kigawm tawi sawm nih bang a gik a hong pua hi.

Mangmuhna 19:10

Tua ciangin amah a bia dingin a khe phung ah ka kun suk a, ahi zongin amah in, “Kei hong bia kei in. Kei pen Jesuʼ hong thugente a lenkip nang le na sanggamte khempeuh tawh nasem khawm khat ka hi hi. Pasian bia in!” hong ci hi. Jesuʼ thugen in kamsang nasep sepnop nading lungsim a guan ahi hi.

Mangmuhna 5:8

Tua laizial a lak khit ciangin ganhing lite le upa sawm nih le lite, Topaʼ mai ah a kun uh hi. Amaute in harp lasakna khat ciat le Pasianʼ mi siangthote in thungetna-in a zat uh paknamtui a dimin a om paknamtui beel khat ciat a tawi uh hi.

1 SAMUEL MASA 10:27

Ahih hangin bangmah a man lo mi pawl khat in, “Hih mipa in eite hong bangci hotkhiat zawh ding ahi hiam?” a ci uh hi. Amaute in amah simmawhin ama kiangah letsong puak lo uh hi. Ahih hangin amah in tua mite bangmah cih lo hi.