Mattiu 19:9 - Tedim Bible Revision 2017

⁹ Note kiangah kong genin ah: Mi khatpeuh in midang tawh a zi a mawhna lobuang, a zi a mak a, numei dang tawh a ten leh numei tunga mawh ahi hi,” ci-in a dawng hi.

Tedim Bible

⁹ Ke’n kong cih-inah, adang pasal tawh a mawh longal, thu dang hangah ama zi ma a, numei dang tawh a kiteengte in angkawm ahi uh hi. A maksa numei a teen’pihte in mi’zi tawh a mawh hi,” a ci hi.

Mattiu 19:9 Iomraidhean Croise

Piancilna 20:3

Ahih hangin zanin mang sungah Abimelek kiangah Pasian pai a, ama kiangah, “En in, na lak sa numeiʼ hangin nang a si ding na hi hi. Bang hang hiam cih leh amah, mi khatʼ zi ahi hi,” a ci hi.

2 KHANG TANGTHU NIHNATE 21:11

Tua tham loin amah in Judah mual tung gamah mual dawna biakpiaknate bawl a, Jerusalem-a teeng mite citak loin omsak a, Judah mite lam pialsak hi.

Jeremiah 3:1

“Mi khat in a zi ma henla, tua nu in zong amah nusia-in, midang khatʼ zi va suak leh, a pasal masa in tua nu lakik thei ding ahi hiam? Tua gam teng a ninsak khin suak ding hi lo ahi hiam? Nang pen numei paktat suakin mi tampi tak tawh kingai khinzo napi-in, tu-in kei kiang hong zuankik ding na hi hiam, Topa in kong ci hi.

Jeremiah 3:8

A zulhzau Israel, midang tawh a khialhna hangin kimakna lai pia-in, ka hawlkhiat zong amah in a mu hi. Ahih hangin numei gina lo Judah lau tuan loin, amah zong numei paktat khat mah a va suak veve hi.

Ezekiel 16:15

“Ahi zongin na melhoihna le na minthanna a sia lamin zangin, na tuah peuhpeuh luppih ding zolna in na zang hi.

Ezekiel 16:29

Sum bawl Babylon mite tawh na paktat a, ahi zongin tuate tawh zong na lungkim zo tuan nai sam kei hi.

Ezekiel 16:8

“Nang kong muh khakkik ciangin pasal nei thei ding hun na hi ta hi. Na pum guakin a om kimlai, ka puan tawh kong khuh a, na zumhuaina teng hong seelsakin, teenpih dingin kam kong ciam hi. Kong kamciamna tangtungsakin nang pen keima-aʼ nong suak hi, Topa Pasian in ci hi.

Mattiu 19:10

Tua ciangin a nungzuite in Jesu kiangah, “Nupa thu tua bang ding ahihleh kiteeng vet kei lehang hoih zaw ding hi,” a ci uh hi.

Mattiu 19:8

Jesu in, “Note, hilhzawhin na om loh manun Moses in hih bangin ngeina a omsak thei ahi hi. Ahi zongin a kipat cil-in tua bang na hi lo hi.

Mattiu 5:32

Ahi zongin keʼn note kiangah kong genin ah: Mi khat peuhmah in pasal dang tawh a mawhna hang lobuang, a zi a mak peuhmah a, a zi in pasal a neihkik leh mi tawh a mawh dingin a bawl a suak hi. Tua a kima numei a tenpihte, numei tawh a mawh mah ahi hi.

Luka 16:18

“Pasal khat in a zi ma-in numei dang a teenpih leh tua numei tawh a mawh hi a, a kima numei a teenpih pasal zong numei tawh a mawh mah ahi hi.

1 KORIN MASA 5:1

Note lakah numei tawh paktatna nasia mahmah in, lawkite nangawn a gamtat lohte na gamtatna uh hong kigen a, mi khat in ama nukik nangawn a luppihna thu ka za hi.

1 KORIN MASA 7:39

Pasal a nei numei pen a pasal a nuntak lai teng suakta lo hi. A pasal a sih leh a deih peuhpeuh tawh kiteeng thei dinga, ahi zongin thu um mi bek teenpih ding hi.

1 KORIN MASA 7:4

Zi in ama pumpi a ut bangin zang thei nawn loin a pasalʼ zat ding hi a, tua mah bangin a pasal in zong ama pumpi a ut bangin zang thei nawn loin a ziʼ zat ding ahi hi.