Mattiu 19:4 - Tedim Bible Revision 2017

⁴ Jesu in, “Lai Siangtho sungah, ‘A kipat cil-in a Piangsak pa in numei le pasal a bawl hi,’ ci hi.

Tedim Bible

⁴ Zeisu in, “A piangsakpa in a kipat cilin, numei leh pasal a piangsak hi.

Mattiu 19:4 Iomraidhean Croise

Piancilna 1:27

Tua ahih ciangin Pasian in ama lim bangin mihing piangsakin, Pasianʼ lim bangin amah a piangsak hi. Amah in numei le pasal a piangsak hi.

Piancilna 2:18

Tua ciangin Topa Pasian in, “Mipa amah guak a om ding hoih lo hi. Ama ading a kituak a huh ding ka bawlsak ding hi,” ci hi.

Piancilna 2:23

Tua ciangin mipa in, “Tu petpetin hih pen keima guhte le keima sate ahi hi. Amah pen mipa sung panin a kila khia ahih manin ‘Numei’ kici ding hi,” a ci hi.

Piancilna 5:2

Amah in numei le pasal a piangsak hi. Amaute a kipiansakin amah in amaute, “Mi,” ci a, amaute thupha a pia hi.

2 KHANG TANGTHU NIHNATE 24:3

Jehoiada in ama adingin zi nih laksak a, amah in tapate le tanute a nei hi.

Malakhi 2:15

Pasian in na zite uh tawh pum khat, lungsim khat ahi dingin hong bawl hi lo ahi hiam? Hih bangin a hong bawlna pen bang a deihna ahi hiam? Pasianʼ mi taktak ahi ding tate i neih theih nading ahi hi. Tua ahih manin na khangno lai-un na teenpih na zi uh tawh na thuciamna uh na palsat khak loh nadingun kidawm un.

Mattiu 12:3

Jesu in amaute kiangah, “David le a kikholhpihte a gilkial laitakun Davidʼ gamtatna thu sim ngei lo na hi uh hiam?

Mattiu 21:42

Jesu in amaute kiangah, “Lai Siangtho sungah, ‘Innlamte in a nilkhiat suang pen innkiu suang bulpi suak khinta hi. Hih pen Topaʼ bawl hi a, i muh ciangin lamdang i sa hi,’ ci-in a kigelhna sim ngei lo na hi uh hiam?

Mattiu 21:6

Nungzui tegel zong Jesu sawl bangin va pai uh hi.

Mattiu 22:31

Misite thawhkikna thu tawh kisai-in note tungah a gen thute sim ngei lo na hi uh hiam?

Marka 12:10

‘Innlamte in a nilkhiat suang pen innkiu suang bulpi suak khinta hi.

Marka 12:26

Thawhkikna thu tawh kisai-in ci lehang, Mosesʼ laigelhna sung sawlpang kuang thu a genna munah Pasian in Moses kiangah, ‘Kei pen Abrahamʼ Pasian, Isaacʼ Pasian, Jakobʼ Pasian ka hi hi,’ a cihna mun sim ngei lo na hi uh hiam?

Marka 2:25

Jesu in, “David in annek ding a kisap laitakin a gamtatna thu sim ngei lo na hi uh hiam? Amah le a mite a gilkial uh hi.

Luka 10:26

Jesu in, “Thukham sungah bang kigelh a, bang sim na hi hiam?” a ci hi.

Luka 6:3

Tua ciangin Jesu in amaute kiangah, “David le a kikholhpihte a gilkial laitakun Davidʼ gamtatna thu sim ngei lo na hi uh hiam?