Mattiu 19:29 - Tedim Bible Revision 2017

²⁹ Keima hangin a inn, a sanggam numei, a sanggam pasal, a nu, a pa, a tate, a leitang, khat peuhpeuh a nusiate in a zah za khat ngahkikin, nuntak tawntungna zong a ngah ding uh hi.

Tedim Bible

²⁹ Kei min hangin a inn, a sanggampa, a sanggamnu, a nu a pa, a tate, tua teng a nusiate khempeuh in a zah zakhat ngah a, nuntak tawntungna a luah ding uh hi.

Mattiu 19:29 Iomraidhean Croise

Thuhilh-sia 3:6

Zonʼ hun om a, mansuah hun om hi. Kep hun om a, paihkhiat hun om hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

Mattiu 13:23

Lei hoihna munah a tu khaicite pen Pasianʼ thu a zak ciangin a tel mite a cihnopna ahi hi. Tua bang mite adingin Pasianʼ thu in man nei a, pawl khatte adingin a zah za khat, pawl khatte adingin a zah sawm guk, pawl khatte adingin a zah sawm thumin Pasianʼ thu in man a nei hi,” a ci hi.

Mattiu 13:8

Ahi zongin pawl khatte, lei hoihna mun tu-in hong khang hi. Pawl khatte in a zah za khat, pawl khatte in a zah sawm guk, a dangte in a zah sawm thum a gah hi,” ci-in a gen khit ciangin,

Mattiu 16:25

Hih a leitung nuntakna a hu nuamte in a nuntakna bulpi nangawn tawh suplawh dinga, keima hangin hih a leitung nuntakna a suplawhte in a nuntakna bulpi hu zo ding hi.

Mattiu 19:16

Khat vei, Jesu kiangah mi khat hong pai a, “Sia aw, nuntak tawntungna ka ngah nadingin bang gamtat hoih gamta ding ka hi hiam?” ci-in a hong dong hi.

Mattiu 25:34

Tua ciangin Kumpipa in a tak lamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note adingin a kibawl khol sa gam nuam hong luah un.

Mattiu 25:46

Tua ahih ciangin tawntung gim thuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Mattiu 5:11

“Midangte in keima hangin a man lopi-in hong simmawhin hong bawlsia a, a nam tuamtuamin hong gensiat uh ciangin thupha ngah mi na hi uh hi.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Luka 14:26

“Kei kiangah a hong pai mite peuhmah in a nu le a pa, a zi le a ta, a sanggam numeite le a sanggam pasalte le ama pumpi mahmah a nial ngam kei leh keima nungzui suak thei lo ding hi.

Luka 5:11

Tui gei ah a gunkuangte uh a tunpih khit uh ciangin a na khempeuh uh nusia-in Jesu a zui uh hi.

Luka 6:22

“Mihing Tapaʼ hangin mite in hong mudahin hong tuam koih a, hong simmawhin migiloin hong seh ciangin thupha ngah na hi uh hi.

Johan 15:19

Hih leitung mite tawh a kipawl hi le-uhcin leitung mite in amau pawlte hong it ding hi. Ahi zongin hih leitung mite lak panin note ka hong teel khia a, amaute tawh kipawl nawn lo na hih manun a hong mudah ahi uh hi.

Johan 4:36

Khai tuh pa le an la pa a lungdam khawm theih nadingin an la pa thaman a kipiak mah bangin an la pa in zong a nungta tawntung dingin mi a khawm ding hi.

Sawltak 9:16

Keima hangin a thuak ding thu khempeuh zong, kei mahmah in ama tungah ka gen ding hi,” a ci hi.

1 KORIN MASA 2:9

Tua ahih manin Lai Siangtho sungah, “Kuamah in a muh ngei loh, a zak ngei loh, piang thei dingin zong a ngaihsut loh uh thu pen Pasian in amah a it mite adingin a bawl kholh sak sa ahi hi,” ci-in na kigelh hi.

2 KORIN NIHNA 5:16

Tua ahih manin kote in mihingteʼ ngeina zia tawh kuamah ka en nawn kei uh hi. Khris mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

1 PETER MASA 4:14

Khris nungzui hihna hangin miteʼ kosiatna na thuak uh leh note sungah a minthang Kha Siangtho ahi Pasianʼ Kha Siangtho hong om ahihna lim ahih manin a hampha mahmah na hi uh hi.

3 JOHAN THUMNA 1:7

Amaute pen Pasianʼ nasem dingin a khualzin khia uh hi a, thu um lo mite tung panin bangmah huhna ngah lo uh hi.