Mattiu 19:23 - Tedim Bible Revision 2017

²³ Tua ciangin Jesu in a nungzuite kiangah, “A mantak a kong genin ah: Mihau khat pen vantung ki-ukna sungah a lut ding haksa mahmah ding hi.

Tedim Bible

²³ Zeisu in, “Ke’n aman takpi kong cih-inah, sumhaute in Vantung Gam sung lut nading a haksa mahmah hi.

Mattiu 19:23 Iomraidhean Croise

Paunak 11:28

Tuk lai-a singteh tam bangin midikteʼ hauhna khang dinga, phalbi lai-a singteh pulh bangin hauhna a suangte kiam ding uh hi.

Mattiu 13:22

Lingbulsum omna leilak ah a tu khaicite pen Pasianʼ thu za napi-in amau nuntakna sung uh ah leitung lunghihmawhna le hauh nopnate in Pasianʼ thu vuknelh ahih manin bangmah a suak khia zo lote a cihnopna ahi hi.

Mattiu 18:3

“A man mahmah in note kiangah kong genin ah: Note kikheelin naupang na bat kei uh leh vantung ki-ukna sungah na lut ngei kei ding uh hi.

Mattiu 19:22

Tangvalpa in hih thu a zak ciangin, amah hau mahmah ahih manin, mai khingin a paikhia hi.

Mattiu 21:31

Hih tapa nihte sung panin a koi bel pen a paʼ deih bangin gamta ahi hiam?” a ci hi. Amaute in, “A ta u zaw a ta hi,” a ci uh hi. Tua ciangin Jesu in amaute kiangah, “Note kiangah a mantak a kong genin ah: Pasianʼ ukna sungah note sangin siahdongte le numei paktatte lut masa zaw ding hi.

Mattiu 5:20

Tua ahih manin Pasianʼ deihna bangin gamtat nading thu ah Thukham hilh siate le Farisi mite sangin na cihtak zawk uh leh vantung ki-ukna sungah a om thei bek ding na hi uh hi.

Marka 10:23

Jesu in a kiim a om a nungzuite enin amaute kiangah, “Pasianʼ Ukna sungah mihaute a lut ding uh bangzah takin haksa ahi hiam?” a ci hi.

Luka 18:24

Jesu in ama dahna a muh ciangin, “Pasianʼ Ukna sungah mihaute a lut ding bangzah takin haksa ahi hiam?

Johan 3:3

Jesu in, “A mantakin kong genin ah, mi khatpeuh a suahkik kei leh Pasianʼ Ukna sungah lut thei lo ding hi,” a ci hi.

Johan 3:5

Jesu in, “A mantakin kong genin ah, mi khatpeuh tui le Kha Siangtho tawh a suahkik kei leh Pasianʼ Ukna sungah lut thei lo ding hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

1 KORIN MASA 1:26

Sanggamte aw, Pasian in note hong sap laitakin na om zia uh ngaihsun un. Leitung miteʼ hong muhna panin note a tam zaw, mipil na hi kei uh a, mi vanglian zong na hi kei uh a, mi thupi zong na hi kei uh hi.

Jeim 2:6

note in mizawngte na simmawh bawl uh hi. Note hong bawlsia-in thukhen zum hong tun pahpahte, mihaute hizaw uh hi.