Mattiu 19:22 - Tedim Bible Revision 2017

²² Tangvalpa in hih thu a zak ciangin, amah hau mahmah ahih manin, mai khingin a paikhia hi.

Tedim Bible

²² Tua tangvalpa in tua thu a zak ciangin lungkim loin a paikhia hi. Bang hang hiam i cih leh, sum tampi a nei hi.

Mattiu 19:22 Iomraidhean Croise

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uh ah amauʼ meetna ding bek ngaihsun uh hi.

Mattiu 13:22

Lingbulsum omna leilak ah a tu khaicite pen Pasianʼ thu za napi-in amau nuntakna sung uh ah leitung lunghihmawhna le hauh nopnate in Pasianʼ thu vuknelh ahih manin bangmah a suak khia zo lote a cihnopna ahi hi.

Mattiu 14:9

Kumpipa dah mahmah hi. Ahi zongin a kiciamnasa ahihna hang le a leenglateʼ maitang a zahtakna hangin a ngetna a kipiak nadingin thu a pia hi.

Mattiu 16:26

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam? A nuntakna bang tawh leikik thei nawn ding ahi hiam?

Mattiu 19:21

Jesu in, “Mi cingtaak na hih nop leh pai-in na neihsate va zuak inla, na sum khotte, mizawngte tungah va pia lecin, vantungah sum na hau ding hi. Tua ciangin hong pai inla kei hong zui in,” a ci hi.

Mattiu 19:23

Tua ciangin Jesu in a nungzuite kiangah, “A mantak a kong genin ah: Mihau khat pen vantung ki-ukna sungah a lut ding haksa mahmah ding hi.

Mattiu 6:24

“Kuamah, to nihʼ sila hi khawm thei lo hi. Khat mudahin khat it dinga, khat tungah thumanin khat simmawh bawl ding hi. Note in Pasianʼ na le leitung sum na nasem khawm zo kei ding uh hi.

Marka 10:22

Tua mipa mihau khat ahih manin hih thu a zak ciangin, mai khingin a dah sa-in a paikhia hi.

Marka 6:26

Hih thu a zak ciangin kumpipa dah mahmah hi. Ahi zongin a kiciamnasa hang le a leenglateʼ maitang a zahtakna hangin nial ngam lo hi.

Luka 18:23

Ahi zongin tua mipa in hih thu a zak ciangin amah hau mahmah ahih manin a dah a suak hi.

Johan 16:20

A taktakin ka hong genin ah, note dahin na kap ding uh a, ahi zongin leitung mite lungdam ding uh hi. Note na dah ding uh a, ahi zongin na dahna uh lungdamna hong suak ding hi.

Efesa 5:5

Nulepa khialhna a gamta mi, a kilawm lo-a a gamta mi le a huaiham (huaihamna zong milim biakna zahin sia hi) mite in Khris Ukna le Pasian Ukna sungah bangmah ngah nei het lo ding ahihna uh teltakin thei ta un.

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna le milim biakna nam khat ahih manin huaihamna ahi note sungah a om leitung lungsimte na sisak un.