Mattiu 19:13 - Tedim Bible Revision 2017

¹³ Tua ciangin mi pawl khat in a naupangte uh tungah Jesu in a khut nga-in thu a ngetsak nading deihin a naupangte uh a hong paipih uh hi. Ahi zongin a nungzuite in tua mite na taii uh hi.

Tedim Bible

¹³ Tua ciangin naupangte tungah a khut nga a, thu a ngetsak nading deihin, Zeisu kiangah paipih uh a, a nungzuite in a kham uh hi.

Mattiu 19:13 Iomraidhean Croise

Piancilna 48:1

Tua zawh a sawt loin, “Na pa a ci na hi,” ci-in Josef kiangah kigen ahih ciangin amah in a tapa nihte Manasseh le Efraim a paipih hi.

Jeremiah 32:39

Amauteʼ hoih nading le amauteʼ nung a a tu a tate uh a hoih nadingin a tawntungin kei hong zahtak nadingun a lungsim uh kikhat sakin, a nuntak dan uh zong ka kikhatsak ding hi.

Mattiu 16:22

Tua ciangin Peter in Jesu paikhiatpih a, “Topa aw, hih bangin Pasian in piangsak kei hen. Nang tungah hih bang piang thei ngei peuhmah lo ding hi,” ci-in a taii bawl hi.

Mattiu 19:12

Mi pawl khat a pianpihin geh sa bang om a, pawl khatte a kiget tawm om a, pawl khatte pen vantung ki-ukna hangin geh bangin a om hi. Geh bangin a om zote om tahen,” a ci hi.

Mattiu 20:31

Mihonpite in tua mi tegel a kikoko loh nadingun a taii uh hi. Ahi zongin amaute kiko pha semsem uh a, “Davidʼ suan Topa aw, kote hong hehpih in,” a ci teitei uh hi.

Sawltak 2:39

Bang hang hiam cih leh Pasian in ama kamciamna pen note tung, na suan na khakte uh tung le gamlapi-a om mi khempeuh, i Topa Pasian in a sap mi khempeuh tungah a hong bawl ahi hi,” ci-in a dawng hi.

1 KORIN MASA 7:14

Bang hang hiam cih leh thu um lo pasal pen a ziʼ hangin thu um mi suak thei dinga, thu um lo zi pen a pasalʼ hangin thu um mi suak thei ding hi. Tua bang hileh a tate uh thu um mi suak thei ding uh hi. Ahi zongin tua bang hi kei le-uh a tate uh thu um mi suak thei lo ding uh hi.

1 SAMUEL MASA 1:24

Numei in amah nawi tawh a kikhensak khit ciangin kum thum a pha bawngtal khat, annel seu khat le leenggahzu savun thawl khat tawh amah la-in, Shiloh a Topaʼ inn ah amah a paipih hi.