Mattiu 19:12 - Tedim Bible Revision 2017

¹² Mi pawl khat a pianpihin geh sa bang om a, pawl khatte a kiget tawm om a, pawl khatte pen vantung ki-ukna hangin geh bangin a om hi. Geh bangin a om zote om tahen,” a ci hi.

Tedim Bible

¹² A nu sung pan geh bang mi a om hi. Midangte in a geh bang a om hi. Vantung Gam hangah geh bang a suak zong om hi. Hih thu a mang zote in na mang ta un,” a ci hi.

Mattiu 19:12 Iomraidhean Croise

Isaiah 39:7

Nangʼ sung panin a suak, nangma tapate kim khat kipaikhiat pih dinga, Babylon kumpipaʼ inn sungah innsung maang nasep kisemsak ding hi,” a ci hi.

Mattiu 19:11

Ahi zongin Jesu in, “Hih ngeina pen mi khempeuh in a zuih zawh ding hi lo a, Pasian in a tua ci dingin a sehte bek in a zui zo ding uh ahi hi.

Mattiu 19:13

Tua ciangin mi pawl khat in a naupangte uh tungah Jesu in a khut nga-in thu a ngetsak nading deihin a naupangte uh a hong paipih uh hi. Ahi zongin a nungzuite in tua mite na taii uh hi.

1 KORIN MASA 9:15

Ahi zongin hih ngah theih ding hamphatnate khempeuh ka la kei a, tu-in zong ka ngah theih nadingin hih lai a hong gelh ka hi kei hi. Hih ka kisialhna teng a mawkna a suah ding sangin ka si nuam zaw hi.

1 KORIN MASA 9:5

Sawltak dangte, Topaʼ naute le Peter mah bangin ka khualzinna ah thu um mi ka zi a tonpih thei ding ka hi hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuh ah zui uh a, midang khempeuh sung panin a kitan khia sa, Pasian le Tuuno tungah a kipia masa mite ahi uh hi.