Mattiu 18:9 - Tedim Bible Revision 2017

⁹ Na mit in hong khialhsak leh khel khia inla paikhia in. Mit kim nei-in hell khuk sungah hong kikhul sangin mit lang khat bek tawh nuntakna sungah lut lecin nang adingin hoih zaw ding hi.

Tedim Bible

⁹ Na mittang in hong puksak leh, khelkhia in la, paai in. Na mittang kim nei-in meikuang sungah khulna na thuak sangin, mittang khat guak tawh nuntakna sungah na tum leh, nang ading a hoihzaw ding hi.”

Mattiu 18:9 Iomraidhean Croise

Mattiu 16:26

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam? A nuntakna bang tawh leikik thei nawn ding ahi hiam?

Mattiu 18:8

“Na khut ahi a, na khe in ahi zongin hong khialhsak leh sattan inla paikhia in. Meikuang tawntung sungah khut kim khe kimin hong kikhiat sangin nuntakna sungah khut sam khe samin lut lecin nang adingin hoih zaw ding hi.

Mattiu 19:17

Jesu in, “Bang hangin bang hoih hiam cih thu hong dong na hi hiam? A hoih khat bek om hi. Nuntak tawntungna sungah na lut nop leh thukhamte na zui in,” ci-in a dawng hi.

Mattiu 5:22

Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Mattiu 5:29

Tua ahih manin na mit taklam in na mawh nading hong piansak leh khel khia inla paai in. Na pumpi bupin hell khuk sungah hong kikhul sangin na pumpi na khat pelhem leh nang adingin hoih zaw lai hi.

Marka 9:47

Na mit in hong khialhsak leh khel khia in. Mit kim tawh hell khuk sungah hong kikhiat sangin mit lang khat taw-in Pasianʼ Ukna sungah om lecin nang adingin hoih zaw hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

Hebru 4:11

Tua ahih manin amaute in a up loh manun Pasianʼ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lut thei ding uh hi.