Mattiu 18:27 - Tedim Bible Revision 2017

²⁷ Kumpipa in khasiathuai sa ahih manin a leiba teng maisakin a khah hi.

Tedim Bible

²⁷ a topa in hehpih a, a leiba khempeuh maisakin a khah hi.

Mattiu 18:27 Iomraidhean Croise

Nehemiah 9:17

Amaute in thu mang nuam lo uh a, amaute lakah na bawl nalamdangte ngaihsun kha lo uh hi. Amaute lungkhauh niloh uh a, a salsuahna uh Egypt ah a paipihkik dingin makai khat seh uh hi. Ahi zongin nang pen mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

Late 145:8

Topa dikin hehpihna nei a, heh hak mahmah in itna kip lianpi a nei hi.

Late 78:38

Ahi zongin amah in hehpihna lungsim nei ahih manin amauʼ khialhnate maisakin, amaute susia lo hi. Amah in a hehna ip zelzel a, a hehna khempeuh phong khia lo hi.

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmah in, itna kip le thumanna tawh a kidim na hi hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Hosea 11:8

Israel mite aw, bangci-a hong nusia thei dinga, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua ci banga hih ding ka lungsimah om lo hi.

Mattiu 18:28

“Ahi zongin tua nasem pa a paikhiat ciangin ama sum ngun peek za khat khawng a ba a nasep pih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Mattiu 18:32

Tua ciangin kumpipa in tua nasem pa sam a, ‘A gilo nasem pa aw, kei kiangah hong thum na hih manin na leiba khempeuh ka hong maisak hi.

Luka 7:42

Amau tegel in a loh zawh loh ciangin a batna pa un a nih tuakun a maisak hi. Hih mi nihte sung panin kua in amah it zaw ding ahi hiam?” a ci hi.

Luka 7:43

Simon in, “Leiba tam a maisakna pa in it zaw dingin ka um hi,” ci-in a dawn ciangin Jesu in, “Na genna man mahmah hi,” a ci hi.

Thukhente 10:16

Tua ahih ciangin amaute in amauʼ lak panin gamdang pasian-te koih khia-in Topa a bia uh hi. Tua ahih ciangin Israel-teʼ gentheihna ah amah a dah hi.