Mattiu 18:25 - Tedim Bible Revision 2017

²⁵ Tua nasem pa in a sum loh zo lo ahih manin amah a kipan a zi a tate le a neih khempeuh zuakin a leiba a loh nadingin kumpipa in thu a pia hi.

Tedim Bible

²⁵ Tua pa in a leiba loh nading nei lo ahih ciangin, ‘Amah a kipan, a zite, a tate, a sum khempeuh zuakin a leiba hong loh ta hen,’ a topa in a ci hi.

Mattiu 18:25 Iomraidhean Croise

2 KUMPI NIHNATE 4:1

Tu-in kamsang honte sung pan mi khatʼ zi Elishaʼ tungah kiko-in, “Na nasem ka pasal si hi. Na nasem pa in Topa a zahtakna na thei hi. Ahih hangin ka tapate nih sila dingin a la dingin a leibatna pa hong pai hi,” a ci hi.

Nehemiah 5:5

Amaute in, “Kote pen ka behte uh mah bangin cilesa kibang hi-in, ka naupangte uh zong amauʼ naupangte mah bangin a hoih hi napi-in, ka tanute uh le ka tapate uh sal suak dingin ka phum uh hi. Ka tanute uh pawl khat zong sal suak khin a, ka lote uh le ka leenggui lote uh midangte aʼ suak khin ahih manin amaute tat nadingin ka hih zawh uh bangmah om lo hi,” hong ci uh hi.

Nehemiah 5:8

“Minam dangte tungah sal a kizuak sa i Jew mipihte ahi zo zahzahin i tanhkik hi. Tua hi napi-in note in na mipihte uh na zuak uh a, tu-in amaute i tatkik ding hi zel hi,” ka ci hi. Amaute pau loin om uh a, a gen ding mel uh thei lo uh hi.

Paikhiatna 21:2

Hebru mi sila khat na lei uh ciangin, amah in kum guk sung na hong sepsak dinga, a kum sagihna ciangin bangmah hong pia loin a suakta-in paikhia ding hi.

Isaiah 50:1

Topa in, “Amah ka ciahsakna, na nu a kimakna lai koi ah om ahi hiam? Tua ahih kei leh nang kong zuakna ka leibatnate koi pan ahi hiam? Nomau mawhna hangin note hong kizuak a, nomau khialhna hangin na nu uh kipaikhiasak hi.

Siampi Laibu 25:39

“Na gei-a om na sanggampa zawngin, nangma tungah a mahmah hong kizuak leh, sila bangin na na semsak kei ding hi.

Mattiu 18:24

Kumpipa in a sum ba sazian a et a kipat ciangin ama sum mak tampi a ba nasem khat hong kipaipih hi.

Luka 7:42

Amau tegel in a loh zawh loh ciangin a batna pa un a nih tuakun a maisak hi. Hih mi nihte sung panin kua in amah it zaw ding ahi hiam?” a ci hi.