Mattiu 17:18 - Tedim Bible Revision 2017

¹⁸ Jesu in tua naupangʼ sung panin dawi a paikhiat nadingin thu pia a, a naupang thakhatin a dam pah hi.

Tedim Bible

¹⁸ Zeisu in tua dawi a taai ciangin, naupang sung pan paikhia a, tua hun akipanin naupang a dam hi.

Mattiu 17:18 Iomraidhean Croise

Mattiu 12:22

Tua ciangin mi pawl khat in Jesu kiangah mit tawt le pau theih loh a thuah dawivei mi khat hong paipih uh hi. Jesu in amah damsak ahih manin amah hong pau thei-in khua zong hong mu thei hi.

Mattiu 15:28

Tua ciangin Jesu in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dam pah hi.

Mattiu 17:17

Jesu in, “Upna nei lo, a ngaihsun khial mite aw, note bang tanvei hong ompih dinga, bang tanvei hong kikholh pih ding ka hi hiam? A naupang hong paipih un,” a ci hi.

Mattiu 17:19

Tua ciangin amau guak a om laitakun nungzuite in Jesu kiangah, “Bang hangin kote in tua dawi hawl khia thei lo ka hi uh hiam?” ci-in a dot uh ciangin

Mattiu 9:22

Jesu zong hong kihei a, tua numei a muh ciangin, “Ka tanu aw, na lung kinuamsak in. Na upna in nang hong damsak khinta hi,” a cih khit phetin tua numei a dam pah hi.

Marka 1:34

Jesu in natna namkim a vei mi tampi damsak a, dawi tampi tak zong a hawl khia hi. Dawite in Jesu thei uh ahih manin, Jesu in dawite thu gensak lo hi.

Marka 5:8

(Hih bangin a cihna pen, Jesu in, “Dawi aw, hih mipa sung panin paikhia in,” a cihna hang ahi hi.)

Luka 4:41

Mi tampi sung panin dawite zong tai khia uh a, “Nang pen Pasianʼ Tapa na hi hi,” ci-in a kiko uh hi. Amah pen Khris ahih lam thei uh ahih manin amaute taii-in pausak lo hi.

Luka 8:29

Hih bangin a cihna pen, ama sung panin dawi a paikhiat nadingin Jesu in thu a piakna hang ahi hi. Dawi in tua mipa tam veipi tak man a, a khut le a khete sikkhau tawh khihin a kikepcip hangin a sikkhaute peksat a, dawi in gamlak ah a paikhiatpih hi.

Luka 9:42

A naupang hong pai laitakin dawi in leilak ah tuksakin a kongkawcipsak hi. Ahi zongin Jesu in a dawi taii a, naupang damsakin, a pa kiangah a piakik hi.

Sawltak 16:18

Tua bangin ni tampi sung awng ngitnget ahih manin a sawtna ciangin Paul in nawngkai sa ahih manin kihei-in a dawi kiangah, “Hih numei sung panin na paikhiat nadingin Jesu Khris min tawh thu kong pia hi,” a cih khit phetin, tua numei sung panin dawi a paikhia pah hi.