Mattiu 16:8 - Tedim Bible Revision 2017

⁸ Jesu in hih amauteʼ kihona thu thei ahih manin, “Upna neu mite aw, anlum na puak loh manun bang hangin kikum na hi uh hiam?

Tedim Bible

⁸ Zeisu in a theih ciangin, “Upna neu mite aw, khomun na neih loh manun, bang hangin khat leh khat na kikum uh hiam?

Mattiu 16:8 Iomraidhean Croise

Mattiu 14:31

Jesu in zong a khut tawh Peter zamin len a, “Upna cingtaak lopa aw, bangci-a hong tua ci muanlah na hi hiam?” a ci hi.

Mattiu 16:7

Tua ciangin nungzuite in, “Anlum i puak mangngilh manin hih thu hong gen hi ding hi,” ci-in amaute khatlekhat a kikum uh hi.

Mattiu 6:30

Tua ahih ciangin tu ni-in hingin, a zing ciang mahin meikhuk ah a kikhultum lel hih gamlak lopate Pasian in puansilh guan ahihleh note hong lim guat zaw ding ahih manin na upna uh a neu mahmah ahi hi.

Mattiu 8:26

Jesu in, “Bang hangin tua ci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Marka 16:14

(Tua khit ciangin a tawpna ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu miteʼ thugen um lo uh ahih manin a lungkhauhna uh le a up lohna hangun amaute a taii hi.

Johan 16:30

Tu-in na khempeuh na theih khitna thu ka phawk uh a, ka theihnop uh thute kote in ka hong dot ding uh zong kisam nawn lo ahih manin Pa kiang panin a hong pai na hihna thu ka hong um uh hi,” a ci uh hi.

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.