Mattiu 16:6 - Tedim Bible Revision 2017

⁶ Jesu in amaute kiangah, “Farisi-te le Saddusi-teʼ silngo hoihtakin kidawm un,” a ci hi.

Tedim Bible

⁶ Zeisu in, “Farisaite leh Saddusite’ silngo kikeem un la, tang un,” a cih ciangin

Mattiu 16:6 Iomraidhean Croise

Siampi Laibu 2:11

“Topaʼ tungah na paipih an tawh biakna pen silngo tawh kibawl lo ding hi. Bang hang hiam cih leh silngo hitaleh khuaizu hitaleh khat peuhpeuh Topaʼ tungah meihal biakna-in na hal kei ding hi.

Mattiu 16:1

Jesu kiangah Farisi mite le Saddusi mite pawl khat a hong pai uh hi. Amaute in Jesu a mawhsak theih nading uh a deihna-in Pasian tawh a kipawl ahihna a lah nadingin lim khat a lah ding a ngen uh hi.

Mattiu 16:11

Hih thu ka gen ciangin anlum thu a gen ka hih loh lam bangci-in phawk thei lo lawmlawm na hi uh hiam? Farisi-te le Saddusi-teʼ silngo hoihtakin kidawm un,” a ci hi.

Mattiu 16:12

Tua bangin thu a gen ciangin anlum a kisawh silngo thu a gen hi loin, Farisi-te le Saddusi-teʼ thuhilhna a gen ahih lam a phawk pan uh hi.

Mattiu 16:5

Tui gal khat a tun uh ciangin nungzuite in anlum a puak mangngilh lam uh a phawk uh hi.

Mattiu 16:7

Tua ciangin nungzuite in, “Anlum i puak mangngilh manin hih thu hong gen hi ding hi,” ci-in amaute khatlekhat a kikum uh hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasianʼ hehna panin na suahtak theih nading uh kua in hong hilh khol ahi hiam?

Marka 8:15

Jesu in, “Farisi-teʼ silngo le Herod pawlteʼ silngo kidawm un,” ci-in a hilh khol hi.

Luka 12:1

Mi a tul tampite hong kikhawmin khatlekhat a kisik kha gawp dongin kinehcipin a om laitakin Jesu in a nungzuite kiangah thu gen masa a, “Farisi miteʼ kineihkhemna ahi, a silngo uh limtakin kidawm un.

Luka 12:15

Tua ciangin Jesu in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzah ta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Johan 4:33

Tua ahih manin a nungzuite khatlekhat kiho-in, “Mi khatpeuh in an na puak khin hi ding ahi hiam?” a kici uh hi.

Galati 5:9

Silngo themno khat in annel lom buppi tawk thei hi, na kici hi.