Mattiu 16:25 - Tedim Bible Revision 2017

²⁵ Hih a leitung nuntakna a hu nuamte in a nuntakna bulpi nangawn tawh suplawh dinga, keima hangin hih a leitung nuntakna a suplawhte in a nuntakna bulpi hu zo ding hi.

Tedim Bible

²⁵ Bang hang hiam na cih uh leh, ama nuntakna a gum nuamte in a nuntakna a mangthangsak ding hi. Kei hangin a nuntakna a mangsakte in nuntakna a ngah kik ding hi.

Mattiu 16:25 Iomraidhean Croise

Esther 4:14

Hih bang hunin bangmah hih loin na omcip leh, Jew miteʼ suahtak nading le noptuamna ding thu mun dang khat pan hong piang veve dinga, nangmah le na innkuanpihte na si mang ding uh hi. Hih kumpi inn na tunna pen hih bang huna mah dinga a tung na hih mel zong kua in thei ahi hiam?” a ci hi.

Esther 4:16

“Pai-in Susa khua sunga om Jew mi khempeuh khawm inla, keimah ngaihsutna-in an na tang un. A sun a zan ci loin ni thum sung an ne lo, tui dawn loin na om un. Na tan uh mah bangin kei le ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai dinga, ka sih leh zong a si ka hi ding hi,” a ci hi.

Thuhilh-sia 3:6

Zonʼ hun om a, mansuah hun om hi. Kep hun om a, paihkhiat hun om hi.

Mattiu 10:39

Hih leitung nuntakna a hon nuamte in a nuntakna taktak taanlawh dinga, keima hangin a nuntakna a taanlawhte in a nuntakna taktak a ngah ding uh hi.

Mattiu 16:26

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam? A nuntakna bang tawh leikik thei nawn ding ahi hiam?

Marka 8:35

Hih a leitung nuntakna a hu nuamte in a nuntakna bulpi nangawn tawh suplawh dinga, keima hang le lungdamna thu hangin a nuntakna a suplawhte in a nuntakna bulpi hu zo ding hi.

Luka 17:33

A nuntakna a hu nuamte in a nuntakna bulpi taanlawh dinga, a nuntakna a taanlawhte in a nuntakna bulpi hu zo ding hi.

Johan 12:25

Tua ahih manin hih leitung nuntakna a itte in a nuntakna taktak taanlawh dinga, hih leitung nuntakna a it lote in nuntakna taktak nei tawntung ding hi.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.