Mattiu 16:24 - Tedim Bible Revision 2017

²⁴ Tua ciangin Jesu in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Tedim Bible

²⁴ Tua ciangin Zeisu in, “Mi khatpeuh in kei hong zuih nop leh, a pumpi nial a, ama singlamteh pua-in hong zui ta hen.

Mattiu 16:24 Iomraidhean Croise

Mattiu 10:38

Ama singlamteh mah pua tawm lopi-in ka nung hong zuite kei tawh kilawm lo hi.

Mattiu 27:32

Tua bangin a pai laitakun Sairin khuami Simon kici mi khat tawh kituak uh a, amah lammatin Jesuʼ singlamteh a puasak uh hi.

Marka 10:21

Tua ciangin Jesu in itna tawh tua mipa enin, “Na khat bek na kisam lai hi. Pai inla, na neih khempeuh na zuak khit ciangin mizawngte tungah na sum khotte va pia in. Tua hileh vantungah sum na hau ding hi. Tua khit ciangin ka nung hong zui in,” a ci hi.

Marka 15:21

Tua bangin a pai laitakun, Alexander le Rufasʼ pa, Sairin khuami Simon a kici mi khat, gam sung panin khuapi sunga hong pai tawh kituak uh a, Jesuʼ singlamteh a pua dingin lammat uh hi.

Marka 8:34

Tua ciangin Jesu in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Luka 14:27

Ama singlamteh mah puatawmin ka nung hong zui lote, keima nungzui hi thei lo hi.

Luka 23:26

Tua ciangin amaute in Jesu paikhiatpih uh a, gam sung panin khuapi sungah a hong pai, Sairin khuami Simon a kici mi khat tawh a kituak uh hi. Amaute in tua pa man pah uh a, a singlamteh suanin Jesuʼ nung zui-in a puasak uh hi.

Johan 19:17

Tua ahih manin amaute in Jesu la-in paikhiatpih uh a, ama kikhai nading singlamteh mah puasakin Hebru pau-in Golgotha a kici Lutang Guh mualah a paipih uh hi.

Johan 21:19

(Hih bangin a thugenna pen Peter a sih nading zia le Pasianʼ min a thansak nading thu a gen nopna ahi hi.) Tua ciangin Jesu in Peter kiangah, “Hong zui un,” a ci hi.

Johan 21:22

Jesu in, “Ka hong paikik mateng amah a nungta dingin ka deih nakleh nang bang phamawh sa na hi hiam? Nangmah in ka nung hong zui peuh in,” ci-in a dawng hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

Kolose 1:24

Tu-in ka pumpi-in ka thuakna tawh Khris in ama pumpi ahi pawlpi adingin a thuak ding a kisam lai teng a kitaangcingsak suak ka hih manin note adingin ka thuakna thu ah ka lung a dam hi.

1 THESALONIKA MASA 3:3

hih bawlsiatna hangin note khat beek na puk loh nading uh deihna tawh a hong paisak ka hi uh hi. Hih bang bawlsiatna pen i thuak ding mah hi, ci-in note in zong na theih uh ahi hi.

2 TIMOTI NIHNA 3:12

Khris Jesu tawh kipawlin Pasianʼ deihna bangin a nungta nuam khempeuh in bawlsiatna a thuak ding mah hi a,

1 PETER MASA 2:21

Khris mahmah in zong note adingin thuakin, ama khekhap na zuih theih nadingun etteh ding lim hong nusiat ahih manin hih bangin a thuak ding mahin Pasian in note a hong sam ahi hi.