Mattiu 16:18 - Tedim Bible Revision 2017

¹⁸ Keʼn kong genin ah: Nang pen suangneu a cihnopna Peter na hi hi. Hih suangpi tungah ka pawlpi ka lam dinga, sihna nangawn in zo zo ngei lo ding hi.

Tedim Bible

¹⁸ Ke’n kong cih-inah, nang, Piter na hi hi. Hih suang tungah ka pawlpi ka lam ding hi. Hel khua kongkhakte in tua pawlpi a zo kei ding uh hi.

Mattiu 16:18 Iomraidhean Croise

Piancilna 22:17

Nang thupha kong pia taktak dinga, na suanlekhakte van a aksite le tuipi gei-a sehnel bangin tampi ka phasak ding hi. Na suanlekhakte in amauʼ galteʼ khuapite luah ding uh a,

2 SAMUEL NIHNA 18:4

Kumpipa in amaute kiangah, “Note in hoih na sak pen bangun ka gamta ding hi,” a ci hi. Tua ahih ciangin galkap khempeuh a zaza le a tultulin a paikhiat laitakun kulh kongpi pangah kumpipa ding hi.

JOB (Job) 38:17

Misiteʼ gam khuamial kongkhakpi, mi khatpeuh in nang hong lak ngei ahi hiam?

Late 107:18

Amaute in an peuhmah kih uh a, sihna kongpi tawh amaute kinai ta uh hi.

Late 127:5

A thallawng dimin tua bang thaltang a nei pa mi lungdam ahi hi. Amah guallel ngei lo dinga, zahhuai ngei lo ding hi.

Late 129:2

“Ka neu lai a kipanin nakpi takin amaute in kei hong gimsak uh a, ahih hangin amaute in kei hong zo nai lo uh hi.

Late 69:12

Kongzing lakah miteʼ gengen ka hi a, zukhamte in keima thu la-in hong sa uh hi.

Late 9:13

Ka tungah hong dik in, Topa! Sihna pan hong hon khia pa aw, kei hong mudahteʼ hangin keima gim thuaknate hong en inla,

Paunak 24:7

Pil kampauna pen mihaiteʼ theih zawh dingin thuk lua mahmah a, mihaite in mihon lakah thu gen ngam lo uh hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-et sa suang, a manpha innkiu suang, bulpi muanhuai khat ka koih hi. Tua suang tungah, ‘Hih a um mi in lungkhamna tuak lo ding hi,’ ci-in kigelh hi.

Isaiah 28:6

Thukhenin a tupa tungah thutang lungsim guan dinga, khuapi kulh hong luh galte a not khia ding mite tungah hanna lungsim guan ding hi.

Isaiah 38:10

Ka hat saan laitakin a si ding ka hi ta a, ka hun om lai khempeuh Leinuai ah a om dingin hong kiseh hi ta hi, ka ci hi.

Isaiah 54:17

Nangmah do nadingin a kibawl hiam peuhmah maavang lo dinga, thukhenna sungah na langah a pang mi khempeuh na nial gawp zo ding hi. Hih thu pen Topa’ nasemteʼ gamhluah le keima kiang panin amauteʼ dikna a kilahna ahi hi, Topa in ci hi,” a ci hi.

Jonah 2:6

Mualteʼ bul tuipi taw dong ka va pai suk a, kong hong kikhaknelh tawntungna mun ka tun hangin tua Leihawmpi sung panin a nungta-in nong la to veve hi, Topa ka Pasian aw.

Mattiu 10:2

Tua sawltak sawm le nihteʼ min in: A masa-in Simon (Peter zong a kici pa) le a naupa Andru, Zebediʼ tapa James le a naupa Johan,

Mattiu 11:23

Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi. Bang hang hiam cih leh noteʼ khua sunga hong kibawl nalamdangte, Sodom khua sungah kibawl hileh tu ni dongin tua khua kip lai ding hi.

Mattiu 18:17

Amah in tua miteʼ thu a man nop kei leh pawlpite tungah a thu ko un. Pawlpiteʼ thu nangawn a man nop kei leh Gentail mite le siahdongte bangin na ngaihsun un.

Mattiu 4:18

Galilee Tuili gei ah Jesu a pai laitakin ngabeng Peter a kici Simon le a nau Andru, ngen tawh nga khuhin a om a mu hi.

Mattiu 7:24

“Ka thuhilhna za-in a zui mi khempeuhte pen suang tungah a inn a lam mipil pa tawh kibang ding hi.

Johan 1:42

Tua ciangin Jesu kiangah a u Simon a paipih hi. Jesu in amah enin, “Nang pen Johanʼ tapa Simon na hi hi. Tu a kipanin Sifas hong kici ding hi,” a ci hi. Sifas pen Peter tawh a kibang hi a, suangtum a cihna ahi hi.

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

Sawltak 20:28

Kha Siangtho in noteʼ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Sawltak 8:1

Hih Stefen thahna thu ah Saul in zong thukimpih hi. Tua ni a kipanin Jerusalem khua-a om pawlpite in nakpi takin bawlsiatna thuak ding kipan uh hi. Sawltakte sim loh, thu um midang khempeuh, Judea gam le Samaria gamah kithehthang gawp uh hi.

1 KORIN MASA 15:55

Sihna aw, na gualzawhna koi ah om a, midangte na suksiat zawh nading na thahatna koi ah om ta ahi hiam?” na ci hi.

Galati 2:9

Makai a kinei James, Peter le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasem khawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

Efesa 5:32

Pasalte in amau pumpi zahin a zite uh itin, zite in zong amau pumpi zah mahin a pasalte uh a it ding uh ahih mah bangin, Lai Siangtho in hih bangin a gen ciangin a thuk zaw khat, Khris le pawlpi a ki-itna a gen nopna ahi hi, ci-in ka ngaihsun hi.

Kolose 1:18

Na khempeuh ah amah a lian pen ahih theih nadingin, amah pen pawlpi ahi ama pumpi lutang hi a, pawlpiʼ nuntakna a kipatna hi a, sihna panin a kithokiksak Tapa cil ahi hi.

1 TIMOTI MASA 3:15

Ahi zongin ka hong zekai khak zenzen leh thuman thutak khuampi le bulpi, a nungta Pasianʼ pawlpi ahi Pasianʼ innkuan sungah bangci gamtat ding cih na theih nadingin hih ka hong laikhak in lam hong lak ding hi.

1 TIMOTI MASA 3:5

Bang hang hiam cih leh mi khatpeuh in a innkuan sung uk zia ding a theih kei leh Pasianʼ pawlpi kem thei lo ding hi.

Hebru 12:28

Tua ahih manin a kiliingsak zo lo Pasianʼ gam i ngah manin lungdamin, zahtakna le lamdangsakna tawh Pasianʼ lungkimna bangin amah bia ni.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Mangmuhna 21:14

Tua khuapi kulh pen kulh tawphah suang sawm le nih tungah a kiciang hi a, tua suangtawphahte tungah Tuuno sawltak sawm le nihteʼ min kigelh hi.